Abmierkavańnie dakładu pa Biełarusi projdzie siońnia ŭ Jeŭraparłamiencie
Jaho pieranieśli ź sierady, bo aŭtar — jeŭradeputat ź Litvy Justas Paleckis — nie zmoh prysutničać na pasiedžańni kamiteta.
Dakumient padrychtavany dla Jeŭrakamisii, Rady ES i Słužby zamiežnych dziejańniaŭ Jeŭrakamisii pa vynikach vizitu Paleckisa ŭ Minsk. U sakaviku jon sustrakaŭsia z aficyjnymi asobami i pradstaŭnikami hramadzianskaj supolnaści Biełarusi, infarmuje BiełaPAN.
Dakład vyklikaŭ nieadnaznačnuju reakcyju ŭ Biełarusi. U im, miž inšym, jeŭradeputat śćviardžaje, što ŭ našaj krainie adznačajucca «peŭnyja palapšeńni ŭ situacyi z pravami čałavieka». Sam Justas Paleckis kaža, što paśla abmierkavańnia na pasiedžańni kamiteta ŭ dakumient možna budzie ŭnosić papraŭki i prapanovy. U žniŭni kamitet razhledzić dakład u druhim čytańni, a ŭ vieraśni jon budzie vyniesieny na abmierkavańnie plenarnaj siesii Jeŭraparłamienta.