Praciahła braŭ chabar: vystaŭlena abvinavačańnie byłomu namieśniku minsportu
Byłomu namieśniku ministra sportu i turyzmu Siarhieju Nieradu vystaŭlena abvinavačvańnie. Pra heta paviedamiŭ 30 maja žurnalistam staršynia Kamiteta dziaržaŭnaj biaśpieki Valeryj Vakulčyk.
Pavodle jaho słoŭ, śledstva vałodaje danymi pra toje, što Nierad nieadnarazova atrymlivaŭ chabar, pryčym złačynstvy «mieli praciahły charaktar i adbyvalisia da 2012 hoda». Pavodle jaho słoŭ, zaraz praviarajecca «infarmacyja pa tych faktach, jakija byli raniej vystaŭlenyja».
Jak paviedamili ŭ centry infarmacyi i hramadskich suviaziaŭ KDB 26 krasavika, u dačynieńni da čynoŭnika raspačata kryminalnaja sprava pa č. 3 art. 430 KK (atrymańnie chabaru słužbovaj asobaj, jakaja zajmaje adkaznuju pasadu).Nierad byŭ zatrymany KDB u krasaviku ŭ miežach realizacyi mierapryjemstvaŭ pa supraćdziejańni karupcyi i abaronie ekanamičnych intaresaŭ dziaržavy.