Dziaržorhany buduć abaviazanyja pravodzić adkrytyja pasiadžeńni
U Biełarusi dziaržaŭnyja orhany buduć abaviazanyja pravodzić adkrytyja pasiadžeńni z metaj infarmavańnia hramadzian ab svajoj pracy.Heta praduhledžvajuć papraŭki ŭ zakon «Ab infarmacyi, infarmatyzacyi i abaronie infarmacyi», pryniatyja deputatami Pałaty pradstaŭnikoŭ na pasiadžeńni 30 maja ŭ pieršym čytańni.
Pry hetym praduhledžvajecca, što norma budzie raspaŭsiudžvacca tolki na respublikanskija orhany dziaržkiravańnia, padnačalenyja ŭradu (pasiadžeńni kalehij hetych orhanaŭ), i miascovyja vykanaŭčyja i rasparadčyja orhany (pasiadžeńni vykankamaŭ).
Na dumku raspracoŭščykaŭ dakumienta, «mienavita na ich pasiadžeńniach razhladajucca najbolš nadzionnyja pytańni, jakija niepasredna zakranajuć pravy hramadzian».Razam z tym, miarkujuć jany, pytańni, što razhladajucca ŭ vyšejšych orhanach ułady, «nosiać składany, kompleksny charaktar, časta patrabujuć śpiecyjalnaj padrychtoŭki i pilnaha analizu, i tamu takija pasiadžeńni nie zaŭsiody mohuć być adkrytyja dla svabodnaha naviedvańnia».
Ministr suviazi i infarmatyzacyi Mikałaj Pancialej zaznačyŭ, što zakonaprajekt raspracavany z metaj zabieśpiačeńnia infarmacyjnaj adkrytaści dziejnaści dziaržaŭnych orhanaŭ. Dakumient, pradoŭžyŭ Pancialej, zamacoŭvaje pravavy režym słužbovaj infarmacyi abmiežavanaha raspaŭsiudžańnia. Tak, dajecca dakładnaje vyznačeńnie takoj infarmacyi, zamacoŭvajecca paradak ustanaŭleńnia pieraliku źviestak, što adnosiacca da ich.
Navełaj źjaŭlajecca toje, što dostup da zhadanaha pieraliku, a taksama da paradku prastaŭleńnia abmiežavalnaha hryfa «Dla słužbovaha karystańnia» i viadzieńnia spravavodstva pa dakumientach, što ŭtrymlivajuć słužbovuju infarmacyju abmiežavanaha raspaŭsiudžańnia, nie moža być abmiežavany.
Zakonaprajekt, pavodle słoŭ Pancialeja, taksama «udaskanalvaje sposaby raspaŭsiudžańnia i pradastaŭleńnia ahulnadastupnaj infarmacyi dziaržaŭnymi orhanami». U pryvatnaści, praduhledžvajecca bolš šyrokaje vykarystańnie interneta, u tym liku aficyjnych sajtaŭ dziaržaŭnych orhanaŭ. Budzie ŭstanoŭleny abaviazak respublikanskich orhanaŭ dziaržkiravańnia i miascovych vykanaŭčych i rasparadčych orhanaŭ štohod raźmiaščać u srodkach masavaj infarmacyi i na aficyjnych
Aprača taho, zakonaprajekt zamacoŭvaje pieraliki padstaŭ dla admovy ŭ pradastaŭleńni ahulnadastupnaj infarmacyi.