30 maja — čarhovaja hadavina trahiedyi na stancyi mietro «Niamiha»
30 maja 1999 — u pierachodzie stancyi mietro «Niamiha» ŭ Miensku zahinuli 53 čałavieki, sotni ludziej byli paranienyja. Chavajučysia ad daždžu z hradam, moładź rušyła ŭ pierachod da stancyi mietro «Niamiha». U taŭkatni zahinuli 53 čałavieki, jašče bolš za 250 paciarpieli. Balšynia zahinułych — maładyja ludzi viekam ad 14 da 20 hadoŭ, ź ich 42 dziaŭčyny j 2 supracoŭniki milicyi. Bolšaść zahinuła ad zadušša i traŭmaŭ. Pavodle śviedčańniaŭ vidavočcaŭ, śviata ciahnułasia jašče hadzinu paśla trahiedyi.
Na miescy trahiedyi, kala ŭvachodu na stancyju mietro «Niamiha», 30 maja 2002 hoda byŭ ustalavany miemaryjał u vyhladzie 53 kvietak z bronzy (40 ruž i 13 ciulpanaŭ pa kolkaści zahinułych žančyn i mužčyn), raskidanych pa mietafaryčnych prystupkach z nadpisam «53 rubcy na sercy Biełarusi. 30 maja 1999 hoda», a taksama maleńkaja kaplica ź mietaličnaj plitoj unutry, na jakoj vysiečanyja imiony i ŭryvak ź Jevanhiella ad Iaana. Plita ŭviančanaja pravasłaŭnym kryžam.