U Lidzie ŭ adzin dzień z voknaŭ šmatpaviarchovak vypali try čałavieki, dvoje ź ich zahinuli
+telefony słužby ekstranaj psichałahičnaj dapamohi.
Adrazu try adnatypnyja zdareńni adbylisia ŭ adzin dzień, 28 maja, u roznych kropkach Lidy, piša «Lidskaja hazieta».
U 9.50 z akna svajoj kvatery, raźmieščanaj na siomym paviersie adnaho z damoŭ pa vulicy Rybinoŭskaha, vypała žančyna 1960 h.n., jakaja mieła hrupu invalidnaści pa psichičnym zachvorvańni. Na žal, jana pamierła na miescy.
Zatym u 10 hadzin ranicy anałahičny vypadak adbyŭsia na vulicy Famičova, dzie z akna kvatery na piatym paviersie vypaŭ piensijanier 1931 h.n. Jaho traŭmy taksama akazalisia nie sumiaščalnymi z žyćciom.
Treciaje padobnaje zdareńnie było zafiksavana na vulicy Zamkavaj. U 16.42 z akna kvatery na šostym paviersie vypaŭ žychar horada 1976 h.n. Jon vyžyŭ, z traŭmami mužčyna dastaŭleny ŭ reanimacyju Lidskaj CRB.
Abstaviny zdareńniaŭ vyśviatlajucca.
***
Telefony słužby ekstranaj psichałahičnaj dapamohi
Kruhłasutkavaja słužba ekstranaj psichałahičnaj dapamohi «Telefon davieru»: 8 (017) 202-04-01
Respublikanskaja telefonnaja «haračaja linija» pa akazańni psichałahičnaj dapamohi niepaŭnahadovym, što trapili ŭ kryzisnuju situacyju: 8-801-100-16-11
Śpis kantaktaŭ ekstranych słužbaŭ u rehijonach.