Kuviejt: nastaŭnicy dali 11 hadoŭ za abrazu emira ŭ Twitter
Emir Kuviejta
Sud u Kuviejcie prysudziŭ miascovuju žycharku Chudu al-Adžmi da 11 hadoŭ turmy za abrazu emira Kuviejta Sabacha as-Sabacha.
Abraźlivyja, na dumku suda, vykazvańni ŭ adras emira 37-hadovaja nastaŭnica apublikavała ŭ Twitter.
Jaje taksama abvinavacili ŭ sprobie pieravarotu i ŭ tym, što jana nie pa pryznačeńni vykarystoŭvała novyja technałohii - jaje sotavy telefon, apublikavaŭšy z dapamohaj jaho ŭ mikrabłohu abraźlivyja vykazvańni.
Za apošnija niekalki miesiacaŭ da roznych terminaŭ źniavoleńnia za abrazu emira byli asudžanyja niekalki błohieraŭ.