U homielskaj kaviarni masava atrucilisia daktary, jakija adznačali Dzień miedrabotnika
Homielski haradski centr hihijeny, epidemijałohii i hramadskaha zdaroŭja pravodzić pravierku miascovaj kaviarni «Šapito», naviedvalniki jakoj trapili 15-16 červienia ŭ infiekcyjnuju balnicu z atručvańniem.
U haradskim centry hihijeny, epidemijałohii i hramadskaha zdaroŭja paviedamili pra vyniesienuju pastanovu na zabaronu pracy kafe, pravodzicca pravierka. Nie vyklučana, što buduć pravierany i inšyja ŭstanovy hramadskaha charčavańnia.
U infiekcyjnuju balnicu paśla naviedvańnia kaviarni trapili, pa roznych źviestkach, ad 7 da 12 čałaviek, u tym liku daktary stamatałahičnaj palikliniki, jakija adznačali Dzień miedycynskaha rabotnika.
U administracyi kaviarni «Šapito» paviedamili, što ŭstanova nie budzie pracavać «jašče jak minimum 10 dzion».
U subotu, 15 červienia, u kafe adznačali jubilej, viasielle i Dzień miedycynskaha rabotnika. Kafe znachodzicca ŭ centry Homiela, kala cyrka.