Japoniec, u jakoha «advalvajecca» hałava — videa
38-hadovy japoniec zrabiŭ furor na šou talentaŭ u ZŠA.
Japonski tancor "robat-stylu" Kienišy Ebina ŭraziŭ publiku i žury na telešou "Amieryka šukaje talenty" (Americas Got Talent 2013 hoda), vykanaŭšy taniec u styli śpiecefiektaŭ ź filma "Matryca".
Na pieršych siekundach tanca jon vyklikaŭ uskryki žachu ŭ zale, "upuściŭšy" svaju hałavu na ruki, byccam jana adździaliłasia ad cieła.
Pakazaŭšy nievierahodnaje vałodańnie svaim ciełam, 38-hadovy japoniec z Tokia vyklikaŭ ščyraje zachapleńnie ŭsich členaŭ žury, jakoje składajecca sa znakamitaściaŭ. Halivudskaja aktrysa Chajdzi Kłum zajaviła, što nikoli nie bačyła ničoha padobnaha. Śpiavačka Meł Bi z Spice Girls nazvała ŭbačanaje "prosta ŭlot" i zajaviła, što heta było vielmi pierakanaŭča.
Viadomy televiadučy i humaryst Hovard Stern adznačyŭ, što mnohija tolki sprabujuć zrabić toje, što Kienišy Ebina robić biez najmienšaha bačnaha namahańnia. "Heta było cudoŭna - ja mahu na heta hladzieć ŭvieś dzień!" - dadaŭ jon.