Hurt The Road Dogs napisaŭ pieśniu na vierš Kupały «Ja mužyk-biełarus»

Minskija bluz-rokiery The Road Dogs vydali debiutny albom, nad jakim pracavali ciaham apošniaha hoda. Prychilniki čakali ad hurtu albom anhłamoŭnych kavieraŭ, jakija RD vykonvaje na kancertach. I nie dačakalisia: kavier na «№ 1» tolki adzin. Što, na dumku muzykaŭ, moža i pakryŭdzić fanataŭ.

«My vielmi rady, što ŭ nas atrymałasia zapisać debiutny albom nie kavieraŭ, jak byvaje ŭ mnohich bluz-rokavych hurtoŭ, — pryznajecca vakalist Siarhiej Sklaraŭ. — My, pierš za ŭsio, śpiašalisia danieści da ludziej svaje pieśni, kab jany stvaryli ŭražańnie mienavita pra nas. Ale biez kavieraŭ nie možam, tamu pieršaja pieśnia — „Burning Hell“ Džona Li Chukiera. Taksama my ŭdziačnyja našamu paetu Janku Kupału, na vierš jakoha my zrabili pieśniu „Ja mužyk-biełarus“. Nu, a astatnija całkam usie našy».

Albom «№ 1» atrymaŭsia nievialikim — tolki siem trekaŭ. Siarhiej pryznajecca, što i hetaha chapiła, kab zrazumieć usie składanaści studyjnaj pracy. Vynikam The Road Dogs zadavolenyja, choć i daviałosia pryciahnuć da źviadzieńnia i majstarynhu adrazu dvuch hukarežysioraŭ: Aleha Damančuka (studyja MapleTree) dy Kanstancina Pyžova (The Toobes).

Debiutnik The Road Dogs «№ 1» užo možna znajści ŭ muzyčnych kramach. Mahčyma, bližej da vosieni jon źjavicca i ŭ volnym dostupie ŭ internecie. Tady ž budzie zładžanaja i jaho kancertnaja prezientacyja.

Kamientary da artykuła