Milicyja nie znajšła składu pravaparušeńnia ŭ homielskaj fotasiesii ŭ styli «niu»
Była praviedziena pravierka pa fakcie raźmiaščeńnia ŭ internecie fota ŭ žanry niu, zroblenych u Homieli.
Milicyja praviała pravierku pa fakcie raźmiaščeńnia ŭ internecie fotazdymkaŭ u žanry niu, zroblenych u Homieli, i nie znajšła składu pravaparušeńnia abo złačynstva.
Nahadajem, 17 červienia ŭ sacyjalnych sietkach i na biełaruskich partałach navin źjavilisia fotazdymki, zroblenyja ŭ Homieli: na płoščy Lenina sfatahrafavana dziaŭčyna z aholenymi hrudziami. U toj ža dzień u internecie źjaviŭsia fotazdymak aholenaha mužčyny, jaki, mabyć, zaharaje, siedziačy na padakońniku kvatery na praśpiekcie Lenina ŭ centry Homiela.
«Što da dziaŭčyny, to fotazdymak byŭ zrobleny, a piataj hadzinie ranicy, i hramadski paradak parušany nie byŭ. Mužčynu ž fatohraf źniaŭ vypadkova, jon śpiecyjalna nie paziravaŭ, znachodziŭsia ŭ siabie ŭ kvatery, rabiŭ ramont, mahčyma, horača było, heta dobraprystojny adukavany hramadzianin», — prakamientavaŭ BiełaPAN načalnik adździeła infarmacyi i hramadskich suviaziaŭ UUS Homielskaha abłvykankama Andrej Maziepin.