Administracyja prezidenta suprać davańnia IP prava najmu rabotnikaŭ nie ź liku svajakoŭ
Pytańnie ab davańni indyvidualnym pradprymalnikam (IP) prava najmu rabotnikaŭ nie ź liku svajakoŭ zastajecca niavyrašanym, Administracyja prezidenta nie padtrymlivaje hetuju prapanovu.Pra heta paviedamiŭ BiełaPAN staršynia Biełaruskaha sajuza pradprymalnikaŭ Alaksandr Kalinin, kamientujučy realizacyju inicyjatyŭ, ź jakimi vystupali
«My vystupali, prapanovu padavali, pytańnie pakul nie vyrašana. Suprać vystupajuć nie va ŭradzie, a ŭ Administracyi prezidenta», — adznačyŭ Kalinin.
Na jaho dumku, davańnie IP prava najmać rabotnikaŭ nie ź liku svajakoŭ dazvoliła b lehalizavać pracu tych ludziej, jakija aficyjna nidzie nie pracujuć. Siońniašniaja situacyja, kali indyvidualnym pradprymalnikam zabaroniena najmać rabotnikaŭ nie ź liku svajakoŭ, sadziejničaje schavanaj zaniataści, dadaŭ Kalinin.
«Narmalny čałaviek nie moža adstajać kožny dzień vosiem hadzin i adnačasova padvozić sabie tavar. Tamu ŭ kožnaha indyvidualnaha pradprymalnika, jaki handluje na rynku, jość chacia b adzin pamočnik», — adznačyŭ Kalinin. Ale hetyja ludzi, jakija dapamahajuć pracavać pradprymalnikam, nie mohuć być aficyjna aformleny i, adpaviedna, nie płaciać padatkaŭ i ŭznosaŭ u Fond sacabarony nasielnictva, dadaŭ staršynia sajuza.
«Lehalizacyja pracy najomnych rabotnikaŭ sadziejničała b pavieličeńniu padatkaŭ i narmalizavała b dziejnaść indyvidualnych pradprymalnikaŭ», — miarkuje Kalinin.
Pavodle źviestak na 1 červienia, u Biełarusi było zarehistravana 258,8 tysiačy indyvidualnych pradprymalnikaŭ.