«Uśmiryciel Minska» Jaŭsiejeŭ staŭ hienierał-majoram milicyi. Piać faktaŭ + fota i videa
Siońnia Alaksandr Łukašenka padpisaŭ ukaz ab nadańni pałkoŭniku milicyi Iharu Jaŭsiejevu čarhovaha zvańnia —hienierał-majora . «Naša Niva» prapanuje ŭzhadać niekatoryja momanty ź bijahrafii45-hadovaha hienierała.
"Maŭklivaja akcyja" 20 lipienia. Jaŭsiejeŭ u centry. Fota Siarhieja Hudzilina.
Jaŭsiejeŭ i hołub. Fota Siarhieja Hudzilina.
3 lipienia, pryvakzalnaja płošča, razhon "Maŭklivych pratestaŭ". Fota Siarhieja Hudzilina.
Milicyjant Jaŭsiejeŭ bje fotažurnalista Uładzia Hrydzina.
Nie pieršy hienierał z RosiNaradziŭsia ŭ miastečku Roś Vaŭkavyskaha rajona. Heta nie pieršy hienierał z hetych miaścin. U Rosi taksama naradziŭsia bryhadny hienierał Vojska Polskaha Ramuald Vałyncevič. U miastečku jość vytvorčaść budaŭničych materyjałaŭ. Baćka Jaŭsiejeva, darečy, i byŭ budaŭnikom, a maci — nastaŭnicaj. Chacia sam milicyjant pryznavaŭsia, što hadavali jaho babula ź dziadulem. «Byŭ raśpieščanym i słabapadrychtavanym da žyćcia», — tak aceńvaŭ Jaŭsiejeŭ pieryjad dziacinstva.
Paśla vaśmi kłasaŭ pajšoŭ vučycca ŭ Pružanski sielhastechnikum. Kazaŭ, što ŭ toj čas byŭ vielmi hramadska aktyŭnym. U pryvatnaści, zajmaŭsia muziejam Vialikaj ajčynnaj vajny. Pisaŭ listy i asabista sustrakaŭsia z mnohimi ŭdzielnikami toj vajny.
Śpiecnaz HRU i achova ŁukašenkiU vojska Jaŭsiejeŭ trapiŭ u treciuju bryhadu śpiecnaza HRU VPS (Hałoŭnaha raźviedvalnaha ŭpraŭleńnia
Uśmiryciel PłoščaŭAle Jaŭsiejeva na słychu stała, jak jon zaniaŭ pasadu načalnika milicyi hramadskaj biaśpieki Minharvykankama. U niepasrednyja abaviazki Jaŭsiejeva ŭvachodziła sačeńnie za masavymi akcyjami i ich ucichamiravańnie (najčaściej šlacham razhonu). Nie curaŭsia i sam prymać udzieł u źbićci. Naprykład, usim dobra pamiatajecca, jak ad Jaŭsiejeva u pieršyja dni paśla Płoščy paciarpieŭ fatohraf Uładź Hrydzin. Jaŭsiejeŭ byŭ adnym z hałoŭnych dziejučych piersanažaŭ padčas samoj Płoščy. Jon chadziŭ na pieramovy z kandydatami ŭ prezidenty. Čym skončyłasia Płošča, niama nahody lišni raz nahadvać. Paśla jaje Jaŭsiejeŭ trapiŭ u śpisy nieŭjaznych na terytoryju Jeŭrasajuza pad numaram 84. A voś Łukašenka za Płošču dasłaŭ Jaŭsiejevu padziačny list.
«Chłopać možna tolki vieteranam»Paśla Jaŭsiejeŭ byŭ vidnym dziejačam padčas «Stop — bienzinu» i maŭklivych akcyj pratestu. Kaardynavaŭ i kamandavaŭ razhonami mienavita jon. Vykarystoŭvajučy i niecenzurnuju leksiku (hladzicie videa; na Akreścina jaho nichto za heta nie pasadziŭ). Pierad maŭklivaj akcyjaj na Dzień Respubliki Jaŭsiejeŭ adznačyŭ, što apładziravać možna tolki vieteranam. Razhon kala Čyhunačnaha vakzała na 3 lipienia byŭ adnym z najbolš brutalnych paśla Płoščy.
«Milicyjanier — heta ład žyćcia»Apošnim časam Jaŭsiejeŭ nie turbuje žycharoŭ stalicy. Jaho pryznačyli kiraŭnikom Viciebskaj abłasnoj milicyi. Jašče jaho vybrali staršynioj Viciebskaj abłasnoj fiederacyi chakieja. Darečy, zamianiŭ taksama milicyjanta — Najdzienku. Na ludziach Jaŭsiejeŭ źjaŭlaŭsia ŭ formie, poŭnaj miedaloŭ. Kaža, što vielmi padabajucca viciebskija vulicy, bo na ich niama mituśni.
U pryvatnym žyćci Jaŭsiejeŭ žanaty, maje traich dziaciej. Kažuć, što fotazdymak siamji staić u jaho na pracoŭnym miescy. Ličyć, što «milicyjanier — heta ład žyćcia».