«Mnie naplavać na ich seksualnyja ŭciechi, pakul jany płaciać padatki i nie parušajuć PDR»

Reakcyja na artykuł «Skandynaŭskija «žachi»

Čytač dasłaŭ kamientar da artykuła Skandynaŭskija «žachi»

Žyvu ŭ Narviehii 22 hady. Sam z Hrodna. Možna skazać prosta — heta tryźnieńnie i chłuśnia, ale vas, mabyć, heta nie zadavolić. Što ž, heta vašy prablemy, a nam ŭžo dazvolcie vyrašać našy. Var'jatku-damu z Rasii niama sensu kamientavać: usie žadajučyja znojduć sotni videaadkazaŭ z Narviehii byłych «savieckich» (rasiejcaŭ, ukraincaŭ, biełarusaŭ, kazachaŭ, prybałtaŭ).

Zaraz nakont videa hiej-paradu. Voś jak lohka vydać žadanaje za sapraŭdnaje! Nikomu ŭ hałavu nie prychodzić, što ŭzrost seksualnaj aktyŭnaści — 16 hadoŭ, što mnohija padletki da hetaha ŭzrostu «pakinuli šafu» (narviežski vyraz «kom seg ut av skapet») i pakazali svajo sapraŭdnaje seksualnaje «ja». Pryčym jano, hetaje «ja», nie pieraškadžaje im naviedvać škołu ci inšyja navučalnyja ŭstanovy. I nichto ich nie sustrakaje ŭ ciomnym školnym dvary ź bitaj u rukach.

Pa statystycy peŭny pracent nasielnictva Ziamli — inšaj aryjentacyi. Z hetym ničoha nie zrabić. Hetaja inšaja aryjentacyja žyvie spakojna ŭ Narviehii. Mnie naplavać na ich seksualnyja ŭciechi, pakul jany płaciać padatki i nie parušajuć praviły darožnaha ruchu. U pačatku kałony demanstrantaŭ išła mienavita takaja moładź. Apošnimi ź dziciačymi vazkami išli leśbijskija pary, što naradzili dziaciej mietadam štučnaha apładnieńnia.

Pra maralnaść možna havaryć asobna. Usich maralistaŭ paprašu dla pačatku navieści paradak u svaim domie. Było mnostva «tych, chto spačuvaje», zvyčajnych ludziej, jakija prosta padtrymlivajuć hety ruch, zastajučysia pry hetym całkam narmalnaj seksualnaj aryjentacyi. U čym prablema? Čaho tut dźmucca na ŭvieś ekran i pyrskać ślinaj. Što, u Biełarusi ŭžo niama svaich prablem? Vy choć by raz źjeździli ŭ Skandynaviju, pierš čym zajmacca asudžeńniem ŭsich i ŭsia, «maralisty».

Kamientary da artykuła