Vyznačanyja abjomy ŭvodu arendnaha žylla ŭ Biełarusi ŭ 2013 hodzie
Ahulnaja płošča arendnych damoŭ, jakija padlahajuć uvodu ŭ Biełarusi sioleta, składaje 220 tys. kv. m, u tym liku dla vučonych i vykładčykaŭ ustanoŭ vyšejšaj adukacyi da 6,8 tys. kv. m. Heta praduhledžana pastanovaj Savieta ministraŭ ad 19 červienia 2013 hoda № 500, paviedamiła pres-słužba ŭrada.
Na budaŭnictva arendnaha žylla ŭ 2013 hodzie budzie vydzielena 1.415,8 młrd. rubloŭ. Jaho finansavańnie miarkujecca za košt srodkaŭ respublikanskaha i miascovych biudžetaŭ, a taksama bankaŭskich kredytaŭ.
Asnoŭnaja dola zapłanavanaha da ŭźviadzieńnia arendnaha žylla prypadzie na Minsk — 70,6 tys. kv. m. Z rehijonaŭ najbolšyja abjomy rabot buduć vykananyja ŭ Hrodzienskaj vobłaści (37,7 tys. kv. m), u tym liku 21,9 tys. kv. m budzie ŭviedziena dla rabotnikaŭ, zaniatych na budaŭnictvie atamnaj elektrastancyi ŭ Astraŭcy.
Što da žylla sacyjalnaha karystańnia, to jaho ŭ respublicy sioleta majuć namier uvieści amal 99 tys. kv. m. U Biełarusi naličvajecca 1.849 siemjaŭ, dla jakich płanujecca vydzialeńnie takich kvater.
Taksama pradpisana stvaryć zadzieł pad prahramu žyllovaha budaŭnictva na 2014 hod. Heta, u pryvatnaści, tyčycca ŭźviadzieńnia ŭ kožnym abłasnym centry adnaho doma i žyłoha kvartała ŭ Minsku dla vydzialeńnia arendnaha žylla vučonym, prafiesarska-vykładčyckamu składu VNU i rabotnikam arhanizacyj kultury.
Zhodna z pastanovaj, biełaruskija banki abaviazanyja dać kamunalnym unitarnym pradpryjemstvam pa kapbudaŭnictvie dla ŭźviadzieńnia arendnaha žylla pad harantyi miascovych vykanaŭčych i rasparadčych orhanaŭ kredyty ŭ biełaruskich rublach pad 3% hadavych terminam da 20 hadoŭ.
U svaju čarhu Minfin u 2013 hodzie va ŭstanoŭlenym paradku pavinien zabiaśpiečyć štomiesiačnuju kampiensacyju adkrytym akcyjaniernym tavarystvam "Aščadny bank "Biełarusbank" i "Biełahraprambank" strataŭ, źviazanych z vydavańniem imi lhotnych kredytaŭ u 2003—2013 hadach za košt ułasnych srodkaŭ. Taksama heta tačycca resursaŭ, atrymanych ad daterminovaha pahašeńnia adpaviednych dziaržaŭnych doŭhaterminovych ablihacyj, i srodkaŭ, jakija viartajucca hetym bankam u vyniku vypłat raniej vydadzienych ilhotnych kredytaŭ.
Abłvykankamam, a taksama Minskamu harvykankamu patrabujecca davieści da kamunalnych, respublikanskich jurydyčnych asob i inšych arhanizacyj zadańni na 2013 hod pa budaŭnictvie kvater dla davańnia ich pa dahavorach najmu žyłych pamiaškańniaŭ.
Pastanova № 500 nabyvaje moc paśla jaje aficyjnaha apublikavańnia.