Na Praśpiekcie BMW X5 źbiŭ darožnika i sutyknuŭsia z traktaram — foty

Avaryja, u jakoj paciarpieŭ darožny rabočy, adbyłasia pryblizna ŭ 23.15 20 červienia na staličnym praśpiekcie Niezaležnaści ŭ rajonie skryžavańnia z MKAD, paviedamlaje Tut.by.

BMW X5 ruchaŭsia pa praśpiekcie z boku vulicy Kalinoŭskaha ŭ napramku Uručča. Jak patłumačyŭ 31-hadovy kiroŭca, jon ruchaŭsia pa pustym praśpiekcie z chutkaściu kala 60 km/h, kali «raptam adčuŭ udar i spracavali paduški biaśpieki».

— Traktar spyniŭsia ŭ pieršaj pałasie praśpiekta, darožny pracoŭny vyjšaŭ z kabiny i pačaŭ uborku prajeznaj častki sprava ad śpiectechniki ŭ niepasrednaj blizkaści da traktara. U hety momant na jaho ździejśniŭ najezd BMW X5, zatym, praciahnuŭšy ruch, usiedarožnik urezaŭsia ŭ traktar, jaki ad udaru vylecieŭ na tratuar, — paviedamiŭ AUTO.TUT.BY načalnik adździeła daznańnia DAI Minska Uładzimir Hajšun.

58-hadovy mužčyna špitalizavany ź pierałomami siami rebraŭ i kostak taza ŭ ciažkim stanie.

Kiroŭca BMW nie paciarpieŭ, ustanoŭlena, što ŭ momant DTZ jon byŭ ćviarozy.

Kamientary da artykuła