Niamieččyna j krainy Bałtyi: «Usie palitviaźni pavinny być vyzvaleny i reabilitavany»
Pra heta havorycca ŭ zajavie ministraŭ zamiežnych spravaŭ čatyroch krain, pryniataj na sustrečy ŭ klaštary Pažajślis u Koŭnie.
Kiraŭniki dypłamatyčnych viedamstvaŭ Litvy, Łatvii, Estonii dy Niamieččyny vykazali padtrymku prahramie Uschodniaje partniorstva (UP). Jany paćvierdzili hatoŭnaść padpisać na Vilenskim samicie UP damovu pra asacyjacyju i svabodny handal z Ukrainaj, ale dla hetaha čakajuć adpaviednych krokaŭ z boku Kijeva.
Paśpiachovaje skančeńnie pieramovaŭ z Małdovaj taksama viadzie da asacyjavanaha siabroŭstva hetaj krainy ŭ Jeŭrasajuzie.
Što datyčyć Biełarusi, dyk Linas Linkiavičus, Edhar Rynkievič, Urmas Paet i Hvida Vestervele «paŭtaryli, što ŭsie palityčnyja źniavolenyja pavinny być vyzvalenyja i reabilitavanyja, tady ES pierahledzić svaju palityku ŭ dačynieńni da Biełarusi ŭ pazityŭnym klučy», — havorycca ŭ zajavie ministraŭ.