Hazietu «Barysaŭskija naviny» viarnuli ŭ padpisny katałoh paśla vaśmihadovaj zabarony
U červieni hetaha hoda adbyłasia padzieja, jakoha niezaležnaja hazieta «Barysaŭskija naviny» damahałasia vosiem hadoŭ. Z maja 2005 hoda pa rasparadžeńni Minskaha abłvykankama ŭsie niezaležnyja haziety vobłaści byli vyklučanyja z padpisnych katałohaŭ «Biełpošty» i źniatyja z kijoskaŭ «Biełsajuzdruku».
Nijakija dovady i ekanamičnyja vykładki nie dapamahali. I tolki ciapier hazieta viarnułasia ŭ katałoh. Jak raspavioŭ hałoŭny redaktar «Navin» Anatol Bukas, viartańnie vydańnia ŭ Minski abłasny katałoh adbyłosia šmat u čym dziakujučy Asacyjacyi rehijanalnych vydaŭcoŭ «Abjadnanyja maśmiedyja» i jaje vykanaŭčamu dyrektaru Hańnie Jahoravaj.
Zastałasia sprava za «małym» — damahčysia viartańnia haziety ŭ kijoski Biełsajuzdruku.