Biesparadki na zachadzie Kitaja: zahinuli 27 čałaviek
U vyniku biesparadkaŭ u Sińczian-Ujhurskim aŭtanomnym rajonie Kitaja zahinuli 27 čałaviek. Jašče jak minimum try čałavieki byli paranienyja.
U miastečku Łukciuń hrupa ludziej, uzbrojenych nažami, napała na palicejskija ŭčastki i budynki miascovych dziaržaŭnych ustanoŭ. U vyniku ich dziejańniaŭ byli zabityja 17 čałaviek, u tym liku dzieviać supracoŭnikaŭ pravaachoŭnych orhanaŭ.
Palicejskija, jakija pryjechali na miesca zdareńnia, zastrelili jašče 10 čałaviek, jakija ŭdzielničali ŭ biesparadkach. Jak minimum troje napadnikaŭ byli zatrymanyja.
Nacyjanalnaść udzielnikaŭ biesparadkaŭ nie paviedamlajecca.
Najbujniejšyja biesparadki za apošni čas adbylisia ŭ 2009 hodzie ŭ administracyjnym centry rajona, horadzie Urumčy. Tady achviarami kanfliktu stali amal 200 čałaviek, amal usie jany byli chańcami-kitajcami.U SUAR, pałovu nasielnictva jakoha składajuć musulmanie-ujhury, niaredka adbyvajucca paŭstańni.
Ujhury abvinavačvajuć kitajskija ŭłady ŭ padaŭleńni ich aŭtanomii, praźmiernym ŭmiašańni ŭ ich kulturnaje i palityčnaje žyćcio i represii.