Namieśnik Makieja znachodzicca ź vizitam u Aŭstralii

25 červienia namieśnik ministra zamiežnych spraŭ Valancin Rybakoŭ i namieśnik ministra zamiežnych spraŭ Aŭstralijskaha Sajuza Poł Hryhsan padpisali miemarandum ab dvuchbakovych kansultacyjach pamiž źniešniepalityčnymi viedamstvami Biełarusi i Aŭstralii.

Padčas sustrečy abmiarkoŭvalisia «kankretnyja kroki pa pašyreńni biełaruska-aŭstralijskaha supracoŭnictva ŭ palityčnaj, handlova-ekanamičnaj i inviestycyjnaj śfierach, pytańni ŭmacavańnia mižparłamienckaha i dziełavoha supracoŭnictva, uklučajučy abmien vizitami na vyšejšym i vysokim uzroŭniach i ŭzajemadziejańnie ŭ mižnarodnych arhanizacyjach».

Rybakoŭ taksama sustreŭsia ź ministram zamiežnych spraŭ Aŭstralii Bobam Karam, jaki paćvierdziŭ namier aŭstralijskaha boku ŭmacoŭvać adnosiny ź Biełaruśsiu, paviedamlaje biełaruski MZS.

Aprača taho, adbylisia sustrečy Valancina Rybakova z kiraŭnictvam Aŭstralijskaj handlovaj kamisii i Handlova-pramysłovaj pałaty Aŭstralii.

Kamientary da artykuła