Vice-śpikier siejma Litvy: Adzinaja Jeŭropa bieź Biełarusi — heta niezakončany prajekt
«Naša staršynstva ŭ Jeŭrasajuzie — heta vialiki šanc zrabić Biełaruś bolš zaŭvažnaj. Adzinaja Jeŭropa bieź Biełarusi — heta niezakončany prajekt», — zajaviŭvice-śpikier siejma Litvy Pietras Aŭštrevičus padčas kansultacyj biełaruskich i litoŭskich demakratyčnych partyj, jakija prachodziać siońnia ŭ litoŭskim parłamiencie.
Stratehičnaja cikavaść Jeŭrasajuza, padkreśliŭ jon, zaklučajecca ŭ tym, kab «mieć jeŭrapiejskich susiedziaŭ u poŭnym sensie hetaha słova». «Ja chaču vieryć, što mara pra Jeŭropu ŭ Biełarusi tolki prasoŭvajecca napierad, robicca bolš mocnaj», — zajaviŭ Aŭštrevičus.
U svaju čarhu lidar apazicyi ŭ siejmie, były prem'«Ale ludzi pavinny mieć prava na vybar, čaho ŭ Biełarusi zaraz niama», — dadaŭ palityk.jer-ministr Andrus Kubilus zaznačyŭ: kožnaja kraina vyrašaje svoj los sama.
Na dumku Kubilusa, los Biełarusi zaležyć nie tolki ad taho, nakolki adzinaj budzie apazicyja ŭ krainie, ci jak budzie źmianiacca režym Alaksandra Łukašenki, ale i ad mnohich hieapalityčnych faktaraŭ, u tym liku ad taho, jak «budzie pavodzić siabie Kreml, jak budzie raźvivacca Uschodniaje partniorstva, jak svaju adkaznaść za los hetaha rehijonu budzie razumieć ES».
— Pierad pačatkam staršynstva Litvy ŭ ES nam važna zrazumieć, što my možam zrabić za hetyja šeść miesiacaŭ, u tym liku i dla Biełarusi».«Jość asobnyja zadačy, što treba rabić apazicyi ŭ Biełarusi, ale jość i tyja zadačy, jakija pavinny vyrašać my — členy ES, vašy susiedzi, — skazaŭ Kubilus.
Palityk taksama zaznačyŭ, što pahadnieńnie ab asacyjacyi pamiž ES i Ukrainaj, jakoje płanujecca padpisać na samicie Uschodniaha partniorstva ŭ Vilniusie ŭ listapadzie hetaha hoda, źjaŭlajecca «radykalnym pośpiecham, jaki stvaraje novuju hieapalityčnuju budučyniu dla ŭsiaho rehijonu Uschodniaha partniorstva».
«My pavinny bačyć asobnyja prablemy ŭ krainach, u tym liku i ŭ Biełarusi, nie hublajučy pry hetym usiu pierśpiektyvu raźvićcia staŭleńnia ŭ rehijonie ŭ cełym», — upeŭnieny Kubilus.
Ad Biełarusi ŭ siońniašnich kansultacyjach biaruć udzieł staršynia Abjadnanaj hramadzianskaj partyi Anatol Labiedźka, pieršy sakratar partyi levych «Spraviadlivy śviet» Siarhiej Kalakin, lidar ruchu «Za Cvabodu» Alaksandr Milinkievič, namieśnik staršyni Partyi BNF Ryhor Kastusioŭ, staršynia BSDP (Hramada) Iryna Vieštard, sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski, namieśnik staršyni kampanii «Havary praŭdu!» Andrej Dźmitryjeŭ.
Udzielniki sustrečy abmiarkoŭvajuć situacyju ŭ Biełarusi, samit Uschodniaha partniorstva, situacyju ŭ biełaruskaj demakratyčnaj apazicyi.
Na 27 červienia zapłanavanaja sustreča pradstaŭnikoŭ Biełarusi ź ministram zamiežnych spraŭ Litvy Linasam Linkiavičusam.