Makiej: Viartańnie dypłamataŭ u Šviecyju zaležyć ad niekalkich akaličnaściaŭ
Pra heta zajaviŭ žurnalistam 28 červienia ministr zamiežnych spraŭ Uładzimir Makiej.
«Hetaje pytańnie treba razhladać u kompleksie. Zaraz u sistemie MZS prachodzić aptymizacyja. Ź inšaha boku, my budziem uličvać uzrovień adnosinaŭ jak u cełym (ź Jeŭropaj), hetak i z kankretnaj krainaj (Šviecyjaj) u pryvatnaści»,— skazaŭ kiraŭnik biełaruskaha źniešniepalityčnaha viedamstva.
Nahadajem, viasnoj hetaha hoda biełaruski bok pryniaŭ stanoŭčaje rašeńnie nakont prośby šviedskaha boku ab akredytacyi ŭ Minsku časovaha pavieranaha ŭ spravach Šviecyi ŭ Biełarusi.
«Biełaruski bok zychodzić z taho, što dziejnaść šviedskaha dypłamata ŭ Biełarusi budzie ažyćciaŭlacca ŭ poŭnaj adpaviednaści z pałažeńniami Vienskaj kanviencyi ab dypłamatyčnych adnosinach 1961 hoda i skiravanaja na realizacyju značnaha patencyjału dvuchbakovaha
***
Pasolstva Šviecyi ŭ Minsku zakryłasia 30 žniŭnia 2012 hoda. Hetamu papiaredničała rašeńnie ŭładaŭ Biełarusi ab niepraciahu akredytacyi pasłu Stefanu Eryksanu. Dypłamata abvinavacili ŭ destruktyŭnaj dziejnaści. U adkaz na heta šviedskija ŭłady zajavili, što nie prymuć novaha pasła Biełarusi, i rekamiendavali dvum supracoŭnikam biełaruskaha pasolstva pakinuć Stakholm. U vyniku zaraz funkcyi pasolstva Šviecyi ŭ Minsku vykonvaje dyppradstaŭnictva Estonii, a biełaruskaha ŭ Stakholmie — pasolstva Łatvii.