Miaśnikovič prapanavaŭ Finlandyi pryvatyzavać biełaruskija pradpryjemstvy

28.06.2013 / 11:21

Biełaruś razhladaje Finlandyju ŭ jakaści klučavoha handlovaha partniora ŭ rehijonie Paŭnočnaj Jeŭropy.

Pra heta 27 červienia ŭ Minsku zajaviŭ prem'jer-ministr Michaił Miaśnikovič na sustrečy z pasłom Finlandyi ŭ Litvie i Biełarusi pa sumiaščalnictvie Chary Miaki-Rejnika.

Baki abmierkavali pierśpiektyvy raźvićcia handlova-ekanamičnaha i inviestycyjnaha supracoŭnictva, mahčymaści realizacyi sumiesnych prajektaŭ, paviedamlaje pres-słužba ŭrada.

U 2012 hodzie tavaraabarot pamiž dźviuma krainami ŭzros na 48,6% u paraŭnańni z 2011 hodam i skłaŭ 297,3 młn. dalaraŭ ZŠA.

Jak zaznačyŭ Miaśnikovič, Biełaruś i Finlandyja majuć značny patencyjał dla pavieličeńnia abjomu ŭzajemnaha handlu. U jakaści pryjarytetnych kirunkaŭ uzajemavyhadnaha partniorstva nazvanyja mašynabudavańnie, enierhietyka, drevaapracoŭka, navuka i inavacyi.

Raźvićciu dziełavych kantaktaŭ pamiž kampanijami dźviuch krain budzie sadziejničać IV Biełaruska-finlandski ekanamičny forum, jaki płanujecca pravieści ŭ 2014 hodzie ŭ Finlandyi na bazie Panjeŭrapiejskaha instytuta Univiersiteta Turku.

Asablivaja ŭvaha na pieramovach była nadadziena inviestycyjnamu supracoŭnictvu.

Biełaruś i Finlandyja ŭžo paśpiachova realizujuć šerah inviestprajektaŭ. U 2012 hodzie abjom zamiežnych inviestycyj ź Finlandyi ŭ Biełaruś skłaŭ 34,3 młn. dołaraŭ, ź ich 20,3 młn. — pramyja inviestycyi na čystaj asnovie. U Biełarusi zarehistravanyja 25 arhanizacyj, stvoranych z udziełam finlandskaha kapitału.

Pavodle słoŭ prem'jer-ministra, urad Biełarusi zacikaŭleny ŭ dalejšym partniorstvie ź finlandskimi inviestarami i hatovy stvarać kamfortnyja ŭmovy dla ich efiektyŭnaj pracy ŭ Biełarusi. Dadatkovyja pieravahi dla raźvićcia finlandskaha biźniesu ŭ Biełarusi adkryvaje jaje ŭdzieł u Mytnym sajuzie i Adzinaj ekanamičnaj prastory, zaznačyŭ Miaśnikovič.

Prem'jer-ministr zaprasiŭ finlandski biźnies uziać udzieł u pryvatyzacyi šerahu biełaruskich pradpryjemstvaŭ.

Miaśnikovič i Miaki-Rejnika abmierkavali taksama pierśpiektyvy raźvićcia humanitarnych i kulturnych suviaziaŭ pamiž krainami. Kiraŭnik urada vykazaŭ udziačnaść pasłu za dapamohu ŭ arhanizacyi Dzion kultury Biełarusi, jakija prajšli ŭ Finlandyi na minułym tydni.

Čytajcie taksama:

Kamientary da artykuła