Valancina Alinievič: Heta sadyzm u dziaržaŭnaj formie
Maci palitviaźnia Valancinu Alinievič zvolnili z BDEU
«Heta pačałosia nie siońnia, a ŭ siaredzinie traŭnia. Raptam mianie vyklikali i skazali, što maja aktyŭnaja pazicyja ŭ dačynieńni da syna nie padabajecca. Prapanavali pierahledzieć maju pazicyju — i tady mianie pakinuć na pracy. Kali ja hetaha nie zrablu, to mianie zvolniać», — raskazvaje Valancina Alinievič.
Pra niepraciahnieńnie kantraktu z BDEU Valancina napisała ranicaj 28 červienia na svajoj staroncy ŭ fejsbuku. Va univiersitecie jana pracavała na kafiedry ekanomiki. Raskazvaje, što ŭsie «pieramovy» ź joj viała niepasrednaja načalnica. Adnak Valancina pierakananaja, što inicyjatyva sychodziła źvierchu.
«Heta sadyzm u dziaržaŭnaj formie», — havoryć jana. Pavodle Valanciny, kali b chacieli prosta zvolnić, to mahli b zrabić heta značna bolš karektna.Na dumku maci Ihara Alinieviča, ułady metanakiravana cisnuć na svajakoŭ palitviaźniaŭ.
I ŭsie b razumieli, što za hetym staić. Adnak heta było b bolš karektna».«Ja ŭžo pažyłaja žančyna, na piensii. Kali b sa mnoj spakojna nie padpisali kantrakt na nastupny hod, to mnie, viadoma, było b niepryjemna.
Pakul Alinievič nie maje kankretnych płanaŭ na bližejšuju budučyniu. Płanuje adpačyć.
***
Nahadajem, što 27 traŭnia 2011 hoda syn Valanciny Ihar byŭ asudžany na 8 hadoŭ pazbaŭleńnia voli ŭ kałonii ŭzmocnienaha režymu. Jon adbyvaje pakarańnie ŭ navapołackaj kałonii. Ihara Alinieviča abvinavacili ŭ arhanizacyi šeścia kala budynka Minabarony, napadzie na kazino «Šanhry Ła» i izalatar u zavułku Akreścina. Niadaŭna vyjšła napisanaja im za kratami kniha «Jedu ŭ Mahadan», dzie Ihar apisvaje svajo žyćcio za kratami.