Mahiloŭ: zvalniajuć «apazicyjnaha» prafiesara Bierazijenku
Z namieśnikam staršyni abłasnoj arhanizacyi Partyi levych «Spraviadlivy śviet», doktaram techničnych navuk, prafiesaram Valeram Bierazijenkam Biełaruska-rasijski ŭniviersitet spyniaje pracoŭnyja adnosny.
Farmalnaja pryčyna — skančeńnie terminu dziejańnia pracoŭnaha kantraktu. Va ŭniviersitecie prafiesaru zastałosia adpracavać try dni.
Valer Bierazijenka byŭ naziralnikam i siabram abłasnych vybarčych kamisijaŭ na usich vybarach apošnich dziesiaci hadoŭ.
Bierazijenka ličyć, što nie padaŭžajuć ź im kantraktu praź jaho palityčnuju i hramadčkuju dziejnaść.
«U internecie fihurujuć usie maje vystupy. Ja zajaŭlaŭ, što vybary niapravilnyja. Nabiarycie maje proźvišča ŭ pošukavikach i znojdziecca pieralik maich vykazvańniaŭ, jakija śviedčać pra toje, što ja nie zhodny z tym, što adbyvajecca ŭ krainie», — kaža vykładčyk.
Sioleta spadar Bierazijenka mieŭsia adznačyć piacidziesiacihadovy jubilej pracy ŭ VNU, jakaja raniej nazyvałasia Mašynabudaŭničym instytutam. Pracavaŭ u im pačaŭ u 1963 hodzie.
«Atrymlivajecca, što i kafiedra "Abstalavańnie i technałohija zvaračnaj vytvorčaści“ adznačaje piacidziesiacihadovy jubilej, a mianie vyhaniać ź jaje. Ja byŭ va ŭniviersitecie bolš za dziesiać hadoŭ zahadčykam kafiedry. Byŭ dekanam fakultetu. Padrychtavaŭ 8 kandydataŭ techničnych navuk. Ja nie prasiŭ rektara praciahvać kantrakt. Mnie pieradali paviedamleńnie pra spynieńnie pracoŭnych adnosinaŭ praz starońnich ludziej. Papierku padpisaŭ zahadčyk kafiedry, jaki klaniecca, što damahaŭsia, kab sa mnoj padoŭžyli kantrakt», — kaža Bierazijenka.
Valer Bierazijenka doŭhi čas kiravaŭ abłasnoj strukturaj Partyjaj kamunistaŭ biełaruskaj. Ad 2009 hoda i da 2013 staršyniavaŭ u struktury partyi levych «Spraviadlivy śviet».