Słonim: doktara-traŭmatołaha Ivana Šehu zvolnili
Śpiecyjalista vyšejšaj katehoryi,doktara-traŭmatołaha Ivana Šehu zvolnili z pracy. Jaho vyklikali ŭ administracyju balnicy, raźličyli i viarnuli jamu pracoŭnuju knižku.
U Słonimskaj centralnaj rajonnaj balnicy Ivan Šeha adpracavaŭ bolš za 30 hadoŭ. 27 červienia jamu spoŭniłasia 60, i ź im nie praciahnuli kantrakt.
24 krasavika 2013 hoda za podpisam hałoŭnaha doktara Juryja Piacielskaha Ivan Ivanavič atrymaŭ aficyjny list: «Administracyja UA „Słonimskaja CBR“ paviedamlaje, što z Vami budzie praciahnuty kantrakt terminam na adzin hod z 28 červienia 2013 hodu da 27 červienia 2014 hoda». Mienš čym praź miesiac, 21 maja, Ivan Šeha atrymlivaje ad taho ž Piacielskaha novy list, dzie hałoŭny doktar papiaredžvaje: «Administracyja Słonimskaj CRB paviedamlaje, što 27 červienia Vy budziecie zvolnieny ŭ suviazi z zakančeńniem terminu kantraktu, p.2 art.35 Pracoŭnaha kodeksa Respubliki Biełaruś».
U Słonimskaj CRB siońnia nie chapaje dziasiatka daktaroŭ.Kab trapić da nieŭrapatołaha, treba čakać miesiac, da ŭrolaha — kala dvuch miesiacaŭ, jon adzin na ŭvieś rajon, da taho ž pensijanier. Nie chapaje i traŭmatołahaŭ — niadaŭna dva śpiecyjalisty pierajechali ŭ Kalinkavičy.
U abaronu doktara vystupili ziemlaki Ivana Šehi, jakija sabrali niekalki tysiač podpisaŭ, tvorčaja intelihiencyja, kiraŭniki partyjnych supołak horadu. Ale heta nie dapamahło.