Mieniedžara minskaj rekłamnaj kampanii zatrymali za vyrab psichatropaŭ
Padčas apieratyŭna-vyšukovych mierapryjemstvaŭ supracoŭnikami adździaleńnia pa narkakantroli i supraćdziejańni handlu ludźmi Leninskaha RUUS Minska na arandavanaj kvatery pa vulicy Vałhahradskaj niekalki dzion tamu byŭ zatrymany 28-hadovy mieniedžar adnoj sa staličnych rekłamnych kampanij. Jak paviedamili ŭ HUUS Minharvykankama, jon arhanizavaŭ padpolnuju łabaratoryju pa vytvorčaści psichatropnych rečyvaŭ.
Pry ahladzie ŭ zatrymanaha było kanfiskavana 64 marki, pramočanyja chimikatami. Taksama na jaho arandavanaj kvatery byli znojdzieny kampanienty dla vyrabu narkatyčnych rečyvaŭ i nieabchodnyja dla hetaha invientar i abstalavańnie. Kanfiskavana 528 h rasfasavanaj kurylnaj sumiesi i pryblizna 150 h inhredyjentu, ź jakoha jana vyrablałasia.
Jak rastłumačyŭ načalnik adździaleńnia pa narkakantroli i supraćdziejańni handlu ludźmi Leninskaha RUUS Minska Ihar Starych, zatrymany zbyvaŭ vyrableny tavar na praciahu apošnich dvuch hadoŭ, a płatu prymaŭ pra dapamozie sistemy elektronnych płaciažoŭ. Pieršamajskim (Minska) rajonnym adździełam Śledčaha kamiteta ŭ dačynieńni da narkahandlara raspačata kryminalnaja sprava. Zatrymany źmieščany ŭ IČU.