Na vakzale Minsk-Pasažyrski źjavicca punkt pamiežnaha kantrolu dla pasažyraŭ, jakija jeduć ŭ Vilniu i adtul
Na terytoryi čyhunačnaha vakzała Minsk-Pasažyrski ŭ pierśpiektyvie źjavicca punkt propusku, u jakim budzie ažyćciaŭlacca pahraničny kantrol. Heta praduhledžana ŭkazam prezidenta № 309 ad 15 lipienia 2013 hoda.
Dakumient unosić źmianieńni i dapaŭnieńni va ŭkazy ad 10 maja 2006 hoda № 313 i ad 7 žniŭnia 2007 hoda № 373. Tekst ukaza raźmieščany na Nacyjanalnym pravavym internet-partale.
Jak paviedamili BiełaPAN u Dziaržaŭnym pahraničnym kamitecie, havorka idzie pra ažyćciaŭleńnie ŭ budučyni niepasredna na vakzale pahraničnaha kantrolu pasažyraŭ ciahnikoŭ znosinami Minsk — Vilnius i Vilnius — Minsk.
Źmieny va ŭkazy, jakija tyčacca stvareńnia punkta propusku, nabyvajuć moc 1 studzienia 2015 hoda. Adnak kali realna taki punkt moža źjavicca, u Dziaržpahrankamitecie skazać nie zmahli, bo dla hetaha nieabchodna stvaryć peŭnuju infrastrukturu.
U novym punkcie propusku, pavodle ŭkaza prezidenta, buduć ažyćciaŭlacca takija vidy kantrolu, jak pašpartny, sanitarna-karancinny, vieterynarny, fitasanitarny.