Radźkoŭ: U Biełarusi treba ŭvieści modu na vialikija siemji
Takoje mierkavańnie ahučyŭ siońnia pieršy namieśnik kiraŭnika Administracyi prezidenta Biełarusi Alaksandr Radźkoŭ u čas sustrečy z pracoŭnymi kalektyvami AAT «Łuniniecki małočny zavod» i redakcyi haziety «Łuninieckija naviny».
«Ludzi — asnoŭnaje bahaćcie luboj dziaržavy, — adznačyŭ Alaksandr Radźkoŭ. — My pryhožaja, razumnaja nacyja, nas pavinna być šmat». Tamu, rastłumačyŭ jon, važna stvarać vialikija siamji.
«Ludzi pavinny razumieć, što vialikaja siamja — heta nie tolki pryhoža, ale i hodna, nadziejna.Pryčym nie tolki dla ich samich, ale i dla dziaržavy, — skazaŭ Alaksandr Radźkoŭ. — Da taho ž heta jašče i peŭnaja škoła žyćcia.
Tamu, ja liču, u nas pavinna być moda na vialikuju siamju».
Vystupajučy pierad kiraŭnictvam Łuninieckaha rajona, a taksama kiraŭnikami pradpryjemstvaŭ, Alaksandr Radźkoŭ spyniŭsia na aktualnych momantach, na jakija ŭ tym liku nieadnarazova źviartaŭ uvahu kiraŭnik dziaržavy. U pryvatnaści, byli zakranuty pytańni adukacyi, padrychtoŭki i zamacavańnia na pracoŭnych miescach maładych śpiecyjalistaŭ, maładziožnaj palityki, raźvićcia pradpryjemstvaŭ, infarmatyzacyi hramadstva. Pry hetym pa lubym z napramkaŭ treba dumać na pierśpiektyvu. «Treba ŭłoŭlivać novyja tendencyi. Kožnamu na svaim miescy — kiraŭniku zavoda, SVK, fiermierskaj haspadarki, rehijonu, — adznačyŭ Alaksandr Radźkoŭ.
— Treba dumać na pierśpiektyvu. Kali nie budzieš dumać — prajhraješ».