Piacihadovy chłopčyk zalez u transfarmatarnuju budku i atrymaŭ udar tokam
Dzieci 5 i 13 hadoŭ paciarpieli dniom 17 lipienia ŭ Minskaj vobłaści ŭ vyniku paražeńnia elektryčnym tokam i ŭzharańnia bienzinu.
Pavodle źviestak abłasnoha MNS, piacihadovaje dzicia było traŭmavana elektryčnym tokam u vioscy Rotań Krupskaha rajona. Maci z synam pajšli ŭ mahazin pa pradukty.
Padčas pakupak chłopčyk vyjšaŭ z mahazina na vulicu, i praź niekatory čas maci pačuła jaho kryki. Vybiehšy na vulicu, jana ŭbačyła, što syn znachodzicca ŭ transfarmatarnaj padstancyi.U hety čas kala mahazina znachodzilisia dvoje padletkaŭ, jakija dapamahli žančynie dastać dzicia z transfarmatarnaj padstancyi. Z endatermičnymi apiokami IV stupieni, asmalvańniem abiedźviuch ruk jon dastaŭleny ŭ centralnuju rajonnuju balnicu. Stan ciažki.
13-hadovy chłopčyk, pryjechaŭšy ź Minska z maci na daču ŭ viosku Tarasiki Barysaŭskaha rajona, vyrašyŭ skasić travu na ŭčastku.Padčas zapraŭki kasiłki ad haračaha ruchavika adbyłosia ŭzharańnie raźlitaha z kanistry bienzinu. U vyniku adbyłosia ŭzharańnie rečaŭ chatniaha ŭžytku i ryźzia ŭ chlavie. Maci chłopčyka padčas niaščasnaha vypadku znachodziłasia ŭ susiedziaŭ. Uzharańnie było likvidavana da prybyćcia padraździaleńniaŭ MNS. Pry sprobie samastojna spravicca z ahniom padletak atrymaŭ apioki abiedźviuch noh I—III stupieniaŭ (20% cieła). Jon dastaŭleny ŭ centralnuju rajonnuju balnicu. Stan siaredniaj stupieni ciažkaści.