Pamior były kapitan salihorskaha «Šachciora» Anatol Budajeŭ. Jamu było 44 hady
Abnoŭlena
Fota goals.by.
Siońnia stała viadoma pra śmierć byłoha futbalista, hulca barysaŭskaha BATE i salihorskaha «Šachciora» Anatola Budajeva. 31 sakavika jamu spoŭniłasia 44 hady.
Pa papiaredniaj infarmacyi, Budajeva znajšli niežyvym u padjeździe ŭłasnaha doma. Na hałavie byłoha futbalista znajšli hiematomu. Pakul niezrazumieła, ci jon sam udaryŭsia pry padzieńni, ci ŭdaryli byli naniesienyja kimści inšym.Budajeŭ byŭ z Barysava. Jahony pieršy trenier — Alaksandr Matusievič. Pahulaŭ za miascovyja kamandy — «Famalhaŭt» i BATE. Ale najbolšaj viadomaści Budajeŭ dabiŭsia ŭ Salihorsku. Byŭ kapitanam «Šachciora». U 2005 hodzie razam z «harniakami» staŭ čempijonam Biełarusi.
Budajeŭ byŭ centralnym abaroncam. Zabivaŭ niašmat, jaho canili za nadziejnaść.
Pa skančeńni karjery zastaŭsia žyć i pracavać u Salihorsku. Pracavaŭ na šachcie. Byŭ ahladalnikam stvała, pa jakich ułasna rabočyja spuskajucca ŭ šachtu.
«Byvaje, prychodziš dadomu i trupam kładziešsia. Asabliva, kali davodzicca kanaty mianiać», — kazaŭ pra ciažkaści svajoj novaj pracy Budajeŭ.