Ideju Jarmošynaj adkinuli: sielsaviety skasoŭvać nie buduć
Prapanova admianić vybary ŭ sielskija saviety adchilenaja ŭładaj, paviedamiŭ sakratar Centralnaj vybarčaj kamisii Mikałaj Łazavik
«Adbyłasia vialikaja narada z udziełam premjer-ministra, kiraŭnika prezidenckaj administracyi, inšych vysokich čynoŭnikaŭ. I na joj hubiernatary družna vykazalisia za toje, kab i na novych miascovych vybarach pakinuć abrańnie deputataŭ sielskich savietaŭ».
Infarmacyja pra likvidacyju deputackaha korpusu nižejšaha ŭzroŭniu prahučała na samym pačatku hodu, kali prachodziła vybarčaja narada ŭ Alaksandra Łukašenki. Jak tady skazała staršynia CVK Lidzija Jarmošyna, heta była «prapanova na roŭni idei». Ciapier atrymlivajecca, što hetuju ideju adkinuli.
Na apošnich miascovych vybarach u krasaviku 2010 hoda abirali bolš za 21 tysiaču deputataŭ. Prykładna stolki ž čakajecca i na novych vybarach, jakija adbuducca nie paźniej za sakavik 2014 hodu.