Pazyki sielskahaspadarčych pradpryjemstvaŭ pieravysili $4 młrd

U Biełarusi pa vynikach studzienia — maja 2013 rezka vyrasła dola stratnych sielhasarhanizacyj.

Kali letaś ich kolkaść składała 30,5%, to sioleta — 54,1%.

Pra heta havorycca ŭ spravazdačy «Sacyjalna-ekanamičnaje stanovišča Biełarusi ŭ studzieni — červieni 2013», apublikavanaj na sajcie Nacyjanalnaha statystyčnaha kamiteta.

Suma strat sielskahaspadarčych pradpryjemstvaŭ za piać miesiacaŭ 2013 skłała 882,7 młrd rubloŭ (kala $102 młn; z ulikam dziaržpadtrymki straty takich arhanizacyj skłali 81,4 młrd rubloŭ, abo $9 młn.

Praterminavanaja kredytorskaja pazyčanaść biełaruskich sielhasarhanizacyj z pačatku hoda vyrasła na 22,8% — da 5,6 trłn rubloŭ ($618 młn). Adnačasova z hetym suma pazyčanaści pa kredytach i pazykach vyrasła na 46,6% — da 35,3 trłn rubloŭ ($3,98 młrd).

Takim čynam, pazyki ajčynnych sielskahaspadarčych pradpryjemstvaŭ pieraadoleli adznaku $4 młrd.

Kamientary da artykuła