Pasoł u Litvie abmierkavaŭ pytańni tranzitu hruzaŭ u Kłajpiedzie

Pasoł Biełarusi ŭ Litvie Uładzimir Dražyn naviedaŭ Kłajpiedu, dzie ŭziaŭ udzieł u mierapryjemstvach, pryśviečanych śviatu Dzień mora, paviedamiła pres-słužba biełaruskaha MZS.

U miežach vizitu adbyłasia sustreča ź ministram transpartu i kamunikacyj Litvy Rymantasam Sinkiavičusam, na jakoj abmierkavany chod realizacyi damoŭlenaściaŭ u halinie transpartu i łahistyki, dasiahnutych na IX Mižnarodnym biełaruska-litoŭskim forumie (18–19 krasavika, Kłajpieda).

Na sustrečy z meram horada Vitaŭtasam Hrublaŭskasam razhledžany pierśpiektyvy raźvićcia supracoŭnictva litoŭskaha horada z Mahilovam, a taksama płany pa praviadzieńni šerahu sumiesnych mierapryjemstvaŭ u śfiery kultury.

Dražyn sustreŭsia z hienieralnym dyrektaram Kłajpiedskaha dziaržaŭnaha marskoha porta Arvidasam Vajtkusam, hienieralnym dyrektaram kancerna «Achiema-Hrup» Valdemarasam Varejkam, kiraŭnictvam šerahu styvidarnych kampanij (jakija zajmajucca pahruzkaj i razhruzkaj). Abmierkavany pytańni raźvićcia supracoŭnictva ź biełaruskimi kampanijami ŭ halinie tranzitu hruzaŭ.

Kamientary da artykuła