Košt učastkaŭ u Minsku la prodažu ŭ pryvatnuju ŭłasnaść dasiahaje Br860 młn
Startavy košt ziamielnych učastkaŭ na aŭkcyjonach u Minsku dla pradastaŭleńnia ŭ pryvatnuju ŭłasnaść dasiahaje Br860 młn, paviedamiŭ na apieratyŭnaj naradzie ŭ harvykankamie dyrektar Minskaha haradskoha centra nieruchomaj majomaści Stanisłaŭ Kocikaŭ.
U 2012 hodzie ŭ stalicy praviedziena 22 aŭkcyjony i realizavana 24 učastki, u 2013 hodzie — 15 aŭkcyjonaŭ, pradadziena 20 učastkaŭ na sumu bolš jak Br19 młrd. Usiaho pakupnikam prapanujecca 102 učastki (na prava arendy, prajektavańnia i budaŭnictva, u pryvatnuju ŭłasnaść).
«Kali pa placoŭkach, prapanavanych u arendu, popyt jość, jany pryvabnyja dla raźmiaščeńnia abjektaŭ handlu, hramadskaha charčavańnia, akazańnia pasłuh nasielnictvu, to 22 učastki dla pradastaŭleńnia ŭ pryvatnuju ŭłasnaść dla budaŭnictva i absłuhoŭvańnia adnakvaternych, błakiravanych žyłych damoŭ, na žal, u biahučym hodzie nie znajšli pakupnikoŭ. Jany vystaŭlalisia nieadnarazova, niekatoryja pa 7–9 razoŭ, ale
Pavodle jaho słoŭ, pavieličeńnie kadastravaj vartaści ziamli sioleta paŭpłyvała na kančatkovy košt.
Tak, kali raniej niekatoryja ŭčastki ŭ rajonie vuł. Papiarnianskaj kaštavali kala Br450 młn., to ciapier — Br860 młn.«Ich nie brali i pa papiaredniaj canie, nie havoračy ŭžo pra ličbu ŭ amal Br1 młrd. Treba šukać inšyja padychody da ich realizacyi, moža, prapanavać u arendu na 99 hadoŭ», — adznačyŭ Stanisłaŭ Kocikaŭ.
Taksama pravodzilisia aŭkcyjony pa prodažy abjektaŭ, u biahučym hodzie ad hetaha vidu dziejnaści ŭ dachod horada pastupiła Br111 młrd. (za ŭvieś 2012 hod — Br123,6 młrd.). Vyrasła rezultatyŭnaść tarhoŭ. Adbylisia aŭkcyjony na pradastaŭleńnie ŭ arendu placovak dla realizacyi aharodniny, sadaviny, kvasu, marožanaha i inšych pamiaškańniaŭ.