U Dobrušy rabočaha zasypała hruntam, mužčyna pamior u balnicy
U Dobrušy 2 vieraśnia zahinuŭ rabočy pradpryjemstva «Dobrušski
kamunalnik», mužčyna 1957 h.n., jakoha zasypała hruntam padčas
rabot pa padviadzieńni vodapravoda da adnaho z pryvatnych damoŭ.
Jak paviedamiŭ BiełaPAN namieśnik prakurora Dobrušskaha rajona Uładzimir Takareŭski,
paciarpieły pamior u reanimacyi, kudy jaho dastavili ź cialesnymi paškodžańniami.
Kamunalniki vykapali tranšeju 1,9 mietra ekskavataram, prakłali truby, u tranšeju
niekalki razoŭ spuskalisia rabočyja dla mantažu. Pierad tym jak zasypać tranšeju,
jakaja nie była ŭmacavanaja, u jamu spuściŭsia rabočy 1957 hoda naradžeńnia, kab
prysypać truby. Hrunt abvaliŭsia na jaho, traŭmy byli niesumiaščalnyja z žyćciom.
RASK pravodzić pravierku pa hetym fakcie.