Chod Kierymavym
Biełaruskija ŭłady mahli zavieści kryminalnuju spravu suprać Kierymava i abviaścić jaho ŭ mižnarodny vyšuk adnačasova z aryštam Baŭmhiertnera. To bok strelić dupletam. Adnak nie zrabili hetaha. Čamu?
Na ahulnuju dumku ekspertaŭ, reakcyja Rasieja była słabaja. Pucin jaŭna paźbiahaje abvastreńnia, nia choča pakul što persanalna ŭmiešvacca ŭ kanflikt ź niekalkich pryčyn, jakija dobra apisanyja i patłumačanyja.
Što pavinien byŭ by rabić aficyjny Miensk u takoj sytuacyi? Samym lahičnym i čakanym varyjantam było b nie rabić ničoha, a prosta čakać, što raspačnie Rasieja dziela vyzvaleńnia Baŭmhiertnera.
Maŭlaŭ, z adnaho boku — praniesła, mocnaha ŭdaru ŭ adkaz nia zdaryłasia. A ź inšaha boku, pomsta «Ŭrałkaliju» adbyłasia, satysfakcyja atrymanaja, možna mieć maralnaje zadavalnieńnie. Ciapier miač na rasiejskim baku. Možna spuścić spravu na tarmazach i pahladzieć, što Maskva (ci «Ŭrałkalij») prapanuje jak vykup za zakładnika.
Ale nie. Nie taki Łukašenka hulec, kab zadavolicca atrymanym
Biełaruski bok, zrabiŭšy chod Kierymavym, pajšoŭ na abvastreńnie, na eskalacyju i pravakacyju.
Heta znoŭ ža ŭ styli biełaruskaha kiraŭnika. Kali praciŭnik prajaŭlaje słabaść, uchilajecca ad łabavoha sutyknieńnia, to treba jaho dacisnuć, razmazać pa ściency.
Zavioŭšy kryminalnuju spravu suprać Kierymava i abviaściŭšy jaho ŭ mižnarodny vyšuk, Łukašenka ŭciahvaje Pucina ŭ kalijnuju vajnu bieź jahonaj voli. Bo adna sprava —
I inšaja sprava — Sulejman Kierymaŭ. Jon nia tolki aliharch, ale i čalec Savietu Federacyi RF — vierchniaj pałaty rasiejskaha parlamentu. To bok praktyčna adzin z vyšejšych dziaržaŭnych čynoŭnikaŭ Rasiei.
I jak by Pucin persanalna ni staviŭsia da Kierymava, abaraniać vyšejšych dziaržaŭnych słužboŭcaŭ RF — funkcyjanalny abaviazak prezydenta. Havorka idzie pra imidž krainy, jakaja pretenduje na status vialikaj.
Kali i ciapier adkaz Maskvy budzie mlavy, to nia vyklučana, što praź niejki čas Miensk zrobić novy źnievažalny žest. Čamu b jašče nie patuzać tyhra za chvost, kali toj nia moža pračnucca? Łukašenka stavić Pucina pierad niepryjemnym vybaram z dvuch zoł.
Dataj pramiežkavaha dedłajnu raźviazańnia kanfliktu stanuć sumiesnyja
biełaruska-rasiejskija vučeńni«Zachad-2013» , jakija adbuducca na terytoryi Biełarusi 20–26 vieraśnia.
Zvyčajna na ich pryjaždžaje hałoŭnakamandujučy Ŭzbrojenymi Siłami Rasiei, to bok prezydent. Minułym razam pryjaždžaŭ prezydent Miadźviedzieŭ, i, kali pamiatajecie, padaravaŭ Kolu Łukašenku załaty pistalet.
I tut uźnikaje dalikatnaja sytuacyja. Kali Baŭmhiertner nia budzie da taho času vyzvaleny, a Pucin pryjedzie na vučeńni jak ni ŭ čym nie byvała, to heta budzie demanstratyŭnym prynižeńniem prezydenta Rasiei.
Chutčej za ŭsio, u takim vypadku Pucin nie pryjedzie ŭvohule.
Maŭlaŭ, šmat inšych spraŭ. Heta budzie choć i nia samy mocny dyplamatyčny žest, ale ž i nie prynižalnaja sytuacyja
A dla Łukašenki, naadvarot, pryncypova važna vyciahnuć Pucina ŭ Biełaruś jakraz u taki momant. Tady jon atrymaje maralnuju pieramohu, poŭnaściu kampensuje ŭsie svaje psychalahičnyja traŭmy, atrymanyja ad dziejańniaŭ «Urałkalija». A paśla hetaha možna budzie i adpuścić niebaraku Baŭmhiertnera.
Maŭlaŭ, sam prezydent Rasiei pryjechaŭ asabista prasić za jaho, tamu, tak i być, užo zrobim łasku hetym nadakučlivym rasiejskim chadakam, vyzvalim.
Tamu mała kamu cikavyja vajskovyja vučeńni stvarajuć palityčnuju intryhu.