Siamaška palacieŭ u Maskvu, sustreniecca z Dvarkovičam

gazprom.ru

Siońnia ŭ rasijskaj stalicy sustrenucca pieršy vice-premjer Biełarusi Uładzimir Siamaška i vice-premjer RF Arkadź Dvarkovič. PakolkiSiamaška i Dvarkovič kuryrujuć u svaich uradach paliŭna-enierhietyčnuju śfieru, miarkujecca, što adnym z klučavych pytańniaŭ pieramoŭ buduć pastaŭki ŭ Biełaruś rasijskaj nafty.

Z pačatku 2013 hoda hrafik pastavak rasijskaj nafty zaćviardžajecca pakvartalna. Rasijski bok uviazvaje vyrašeńnie pytańnia ab pastaŭkach nafty ŭ Biełaruś z chodam realizacyi sumiesnych prajektaŭ u pramysłovaj śfiery.
Biełaruski bok, u svaju čarhu, prapanoŭvaje Rasii padpisać u vieraśni paliŭna-enierhietyčny bałans nie tolki na čaćviorty kvartał 2013 hoda, ale i na ŭvieś 2014 hod.

Napiaredadni pieramoŭ kiraŭnik Rasspažyŭnahladu Hienadź Aniščanka paviedamiŭ žurnalistam, što vice-premjery taksama abmiarkujuć prablemu jakaści biełaruskaj małočnaj pradukcyi, jakaja pastaŭlajecca ŭ Rasiju.

Nahadajem, 28 žniŭnia Rasspažyŭnahlad vykazaŭ aściarohu nakont jakaści małočnych praduktaŭ ź Biełarusi. Razmova idzie pra suchoje i pitnoje małako, ataksama pra masła.

Na pieramovach u Maskvie adbudziecca «čarhovy cykł vyśviatleńnia pazicyj», skazaŭ Aniščanka. U hety ž dzień u kiraŭnika Rasspažyŭnahladu pryznačana sustreča ź ministram achovy zdaroŭja Biełarusi Vasilom Žarko.

Naziralniki źviartajuć uvahu na toje, što ciapierašnija pieramovy — pieršaja biełaruska-rasijskaja sustreča takoha ŭzroŭniu paśla zatrymańnia ŭ Minsku hiendyrektara AAT «Urałkalij» Uładzisłava Baŭmhiertniera, jaki taksama źjaŭlajecca staršynioj naziralnaha savieta ZAT «Biełaruskaja kalijnaja kampanija» (BKK).

Kamientary da artykuła