Ekśpierty Śbierbanka RF ukazvajuć na vysokuju vierahodnaść novaha valutnaha kryzisu ŭ Biełarusi
Ekśpierty Śbierbanka Rasii miarkujuć, što
vierahodnaść uźniknieńnia valutnaha kryzisu ŭ Biełarusi ciaham najbližejšych 12 miesiacaŭ składaje 59%. Pry hetym da 2015 hoda heta vierahodnaść aceńvajecca imi ŭ 73%, havorycca ŭ ahladzie Centra makraekanamičnych daśledavańniaŭ (CMD) Śbierbanka RF.
Pry hetym analityki padkreślivajuć, što najaŭnaje (pa stanie na kaniec druhoha kvartała 2013 hoda) «paraŭnalna nizkaje značeńnie vierahodnaści nacisku na biełaruski rubiel nie śviedčyć pra pazityŭnuju dynamiku faktaraŭ razyki, a źjaŭlajecca
vynikam raŭnavažkaj karekciroŭki realnaha kursa biełaruskaha rubla pry dvuchstupieńčataj devalvacyi 2011 hoda». «Hety efiekt, pavodle našych acenak, praktyčna poŭnaściu vyčarpany», — padkreślivajecca ŭ ahladzie, jaki
tyčycca Ukrainy, Biełarusi i Kazachstana.
Pavodle acenak rasijskich ekśpiertaŭ, najaŭny cykł rostu vierahodnaści kryzisu pačaŭsia ŭ 2012 hodzie.
«Fundamientalnyja pryčyny ŭsio tyja ž: urad, nazirajučy chutkuju dynamiku adnaŭleńnia, napiaredadni parłamienckich vybaraŭ paśpiašaŭsia viarnucca da miakkaj palityki, jakaja padryvaje makraekanamičnuju stabilnaść i zvodzić na ništo vyjhryšy ad devalvacyi.
Ź lutaha pa vierasień 2012 hoda CB Biełarusi źniziŭ staŭku refinansavańnia z 45 da 30% (chacia inflacyja ŭ vieraśni składała 38,7% hh). Ale ekanamičnaja aktyŭnaść praciahvała zapavolvacca. Rost VUP skłaŭ 1,5% h u 2012 hodzie, u pieršym paŭhodździ 2013 hoda ekanomika ŭzrasła na 1,4% hh. Praficyt rachunku najaŭnych apieracyj, jaki isnavaŭ u pieršym paŭhodździ 2012 hoda (u tym liku dziakujučy ekspartu „rastvaralnikaŭ“), u trecim kvartale 2012 h. znoŭ pierajšoŭ u deficyt (minus 1 młrd. dołaraŭ) i dasiahnuŭ deficytu ŭ 2,4 młrd. dołaraŭ (17% VUP) u pieršym kvartale 2013 hoda, što znoŭ surjozna uzmacniła nacisk na valutu», — kanstatujuć ekanamisty.
Jak paviedamlaŭ BiełaPAN 2 vieraśnia, śpiecyjalisty
Biełaruskija ekśpierty kanstatujuć, što ekanamičny rost u krainie
zabiaśpiečvajecca za košt unutranaha popytu.
«Va ŭmovach pašyreńnia ŭnutranaha popytu pry ściskańni źniešniaha i zapavolvańnia dynamiki ŭ asnoŭnych halinach realnaha siektara ŭ ekanomicy Biełarusi zaraz farmirujecca šerah tendencyj, jakija parušajuć makraekanamičnuju zbałansavanaść», — miarkujuć śpiecyjalisty NDEI Minekanomiki, pazicyja jakich adlustravana ŭ žnivieńskim numary «Ekonomičieskoho biulletienia», što
vydajecca instytutam.
Ekanamisty zaznačajuć, što «rost ad miesiaca da miesiaca deficytu źniešniaha handlu tavarami» paharšaje situacyju ŭ płaciežnym bałansie. «Adstavańnie tempaŭ devalvacyi nacyjanalnaj valuty ad tempaŭ inflacyi i ŭmacavańnie
biełaruskaha rubla admoŭna adbivajecca na cenavaj kankurentazdolnaści biełaruskaj pradukcyi», — kanstatujuć ekśpierty.
Aprača taho, miarkujuć u NDEI, pavialičvajecca adstavańnie tempaŭ rostu vytvorčaści ad dynamiki spažyvańnia, što viadzie da pavieličeńnia prodažu impartnych tavaraŭ.
U jakaści jašče adnoj niehatyŭnaj tendencyi ekśpierty nazyvajuć rost zarabotnaj płaty, jakaja «istotna apiaredžvaje dynamiku pradukcyjnaści pracy».