78-hadovaja žančyna-jahadnica šeść sutak błukała pa lesie
Amal šeść sutak spatrebiłasia na pošuki źnikłaj u lasach Asipovickaha rajona piensijanierki.
Žycharka stalicy 13 vieraśnia sa znajomaj pryjechała ŭ Asipovicki rajon u jahady na elektryčcy. Minčanki vyjšli na stancyi Viarchi i razyšlisia ŭ roznyja baki. Nazad adna ź jahadnic viartałasia adna: na stancyju pryjacielka nie vyjšła.
Nijakich viestak ad pažyłoj žančyny nie było i na nastupny dzień, mabilny telefon nie adkazvaŭ (jon byŭ razradžany). Svajaki źviarnulisia ŭ milicyju.
Na pošuki źnikłaj minčanki byŭ uźniaty asabisty skład Asipovickaha RAUS, supracoŭniki MNS, vajskoŭcy. Šukali i svajaki žančyny. A bahnistaja nieprachodnaja miascovaść, kudy prabracca čałavieku praktyčna niemahčyma, ahladałasia z dapamohaj bieśpiłotnaha samalota.
Znajści zabłukałuju 78-hadovuju žančynu ŭdałosia tolki 18 vieraśnia. Žančynu zaŭvažyli vajskoŭcy i supracoŭniki milicyi.
Niahledziačy na stały ŭzrost, jana nie adčajałasia, a ŭsie hetyja dni sprabavała znajści vychad z huščaru.
Adrazu ž minčancy akazali pieršuju miedycynskuju dapamohu, zatym dastavili ŭ balnicu. Praciahłaj špitalizacyi nie spatrebiłasia, u supravadžeńni svajakoŭ staličnaja žycharka viarnułasia dadomu.