U Hancavickim rajonie 20-hadovy chłopiec dvoje sutak błukaŭ pa lesie ŭ pošukach žuravinaŭ
U Hancavickim rajonie ranicaj 21 vieraśnia byŭ znojdzieny 20-hadovy miascovy žychar, jaki dvuma dniami raniej pajšoŭ u les pa žuraviny i źnik.
Da pošuku źnikłaha žychara vioski Raździałovičy ratavalniki padklučylisia 21 vieraśnia, paśla taho jak u 7.45 u słužbu pa NZ Hancavickaha rajona źviarnuŭsia staršynia Chatynickaha sielskaha savieta z prośbaj akazać dapamohu ŭ vyšuku maładoha čałavieka.
U 8.20 da miesca pošuku vyjechali ratavalniki, supracoŭniki milicyi, rabotniki Raździałovickaha laśnictva, miascovyja žychary (usiaho 19 čałaviek) i try adzinki techniki. U 10.45 prykładna za 10 km ad vioski Raździałovičy źnikły chłopiec vyjšaŭ na huk aŭtamabilnaj sireny. Stan maładoha čałavieka zdavalniaje, u miedycynskaj dapamozie nie maje patreby.
Pavodle infarmacyi Hancavickaha RAUS, 20 vieraśnia pryblizna ŭ 17.00 u milicyju źviarnułasia svajačka źnikłaha mužčyny. Žančyna paviedamiła, što jaje plamieńnik prykładna a 8-j ranicy 19 vieraśnia pajšoŭ u les pa jahady i dahetul nie viarnuŭsia. Paśla hetaha byli arhanizavany pošukavyja mierapryjemstvy.