Na dno: chakiejnaje «Dynama» paciarpieła piatuju parazu zapar
Vyjaznoje turne pa maršrucie Čarapaviec — Sankt-Pieciarburh — Myciščy — Jarasłaŭl nie pryniesła minskamu «Dynama» nivodnaha bała. U zaviaršalnym matčy «zubry» sastupili «Łakamatyvu» — 1:4 (0:1, 1:2, 0:1).
Užo na 5-j chvilinie lik adkryŭ šviedski abaronca Stafan Kronval. U pačatku druhoha pieryjadu Alaksiej Kalužny zakinuŭ svaju pieršuju šajbu za «Dynama», ale paśla hetaha vyznačalisia tolki chakieisty jarasłaŭskaj kamandy.
Hetaja paraza stała dla minčan piataj zapar u Kantynientalnaj chakiejnaj lizie.
Paśla 8 matčaŭ na rachunku «Dynama» tolki chatniaja pieramoha nad «Słovanam»; padapiečnyja Alaksandra Andryjeŭskaha raźmiaścilisia na samym dnie turnirnaj tablicy.