Da 2014 hodu zamiežnych ksiandzoŭ nie zastaniecca
Alaksandar Kosiniec pahaniŭ relihijnych lideraŭ za psavańnie pomnikaŭ, padziakavaŭ kiraŭnictvu katalickaj carkvy za «razumieńnie» i ŭsim — za sadziejničańni ŭ vyrašeńni demahrafičnaha kryzisu ŭ krainie.
U sieradu ŭ Nacyjanalnaj biblijatecy adbyłasia sustreča namieśnika premjer-ministra Biełarusi Alaksandra Kosinca z kiraŭnikami ŭsich relihijnych abjadnańniaŭ našaj krainy. Sustreča była inicyjavana z boku dziaržavy, a sami kiraŭniki kanfiesij nazvali jaje histaryčnaj.
— Kanfiesijnaja palityka našaj dziaržavy nakiravana na stvareńnie spryjalnych umoŭ dla ŭsich biez vyklučeńnia kanfiesij, — padkreśliŭ Alaksandr Kosiniec.
Pra toje, što takija ŭmovy stvorany, śviedčyć rost kolkaści relihijnych hramadaŭ za apošnija 10 hadoŭ: z 2009-ci da 2953-ch. U paraŭnańni z 1980 hodam u 4,7 raza pavialičyłasia kolkaść kultavych budynkaŭ. Siońnia ŭ Biełarusi takich budynkaŭ i pamiaškańniaŭ prystasavanych dla nabaženstvaŭ — 2671. Biełaruskaja pravasłaŭnaja carkva zaraz maje 1233 chramy (z 1994 hoda rost u 3,6 raza), Rymska-katalicki kaścioł na Biełarusi — 416 (rost u 4 razy), pratestanckija cerkvy — 880 (rost u 10,7 raza). Alaksandr Kosiniec padziakavaŭ kiraŭnikam kanfiesij, jakija naležnym čynam padtrymlivajuć i kłapociacca pra kultavyja budynki, što źjaŭlajucca pomnikami historyi i kultury. Na žal, adznačyŭ namieśnik premjer-ministra, heta možna skazać nie pra ŭsie pomniki ź liku 607, jakija znachodziacca ŭ rasparadžeńni roznych relihijnych abjadnańniaŭ.
Adnosiny da historyka-kulturnaj spadčyny z boku relihijnych arhanizacyj stali adnym z prablemnych pytańniaŭ, na jakija źviarnuŭ uvahu Alaksandr Kosiniec u pieršuju čarhu. Heta ahulnanarodnaja spadčyna, zaŭvažyŭ jon, ale dziesiatki pomnikaŭ stajać napaŭrazburanyja i hinuć, što supiarečyć palitycy dziaržavy, intaresam naroda, dy i nie stasujecca z Božymi zakonami.
Druhaja prablema, na jakuju ukazaŭ vice-premjer, — novabudoŭli, što nie davodziacca da ładu dziesiacihodździami. Siońnia budujecca 252 novyja chramy, ź ich tolki 111 majuć prajektna-kaštarysnuju dakumientacyju. Na zaviaršeńnie ŭsich budoŭlaŭ patrabujecca 151 młrd rubloŭ, ź ich asvojeny tolki 51 młrd. Alaksandr Kosiniec źviarnuŭsia da kiraŭnikoŭ kanfiesij z nastojlivaj prośbaj paspryjać źmianieńniu hetaj situacyi.
Treciaje prablemnaje pytańnie datyčyłasia kadravaj palityki. Dziaržava zacikaŭlena, kab relihijnuju dziejnaść ažyćciaŭlali ŭ Biełarusi hramadzianie Respubliki Biełaruś, ludzi, jakija viedajuć movu, kulturu, historyju našaj krainy i mientalitet jaje naroda. Siońnia ŭ krainie 13 ustanoŭ adukacyi rychtujuć śviaščennasłužycielaŭ roznych kanfiesij. Pakul što bolš za ŭsio zamiežnych śviaščeńnikaŭ słužyć u kaściołach: 190, ź ich 181 — hramadzianie Polščy. Alaksandr Kosiniec padziakavaŭ kiraŭnictvu Rymska-katalickaj carkvy ŭ Biełarusi za razumieńnie hetaj prablemy i paviedamiŭ, što na praciahu 7 hadoŭ pavinna adbycca zamiena zamiežnych śviataroŭ na biełaruskich. Sioleta z Hrodzienskaj i Pinskaj katalickich sieminaryj vyjšli 12 śviaščennasłužycielaŭ.
Ad imia ŭrada Alaksandr Kosiniec padziakavaŭ udzielnikam sustrečy za aktyŭny ŭdzieł u duchoŭna-maralnym vychavańni hramadstva, sadziejničańnie ŭ vyrašeńni demahrafičnaha kryzisu ŭ krainie. Toje, što za siem miesiacaŭ hetaha hoda śmiarotnaść nasielnictva źniziłasia na 4 pracenty (albo na 3 tys. žyćciaŭ), a naradžalnaść pavysiłasia na 10 pracentaŭ (albo na 6 tys. novych biełarusaŭ) — źjaŭlajecca zasłuhaj nie tolki dziaržavy, ale taksama ŭsich kanfiesij na Biełarusi.
— Prasiŭ by vas i nadalej rabić usio mahčymaje dla zabieśpiačeńnia rostu narodanasielnictva našaj krainy, — źviarnuŭsia vice-premjer da relihijnych lidaraŭ.