Dźvie školnicy zatrymanyja ŭ stalicy
Aktyvistki maładziožnaha kryła Partyi BNF Kaciaryna Radzikulcava i Darja Klinava rasklejvali ŭlotki ŭ rajonie vulicy Marksa.
19 vieraśnia prykładna a 20 hadzinie viečara na vulicy Karła Marksa ŭ Minsku byli zatrymanyja dźvie niepaŭnaletnija aktyvistki maładziožnaha kryła Partyi BNF Kaciaryna Radzikulcava i Darja Klinava.
Dziaŭčat abvinavačvajuć u rasklejvańni nalepak da majučaha adbycca 14 kastryčnika "Jeŭrapiejskaha maršu".
Zatrymanych adviali ŭ Minski haradski adździeł unutranych spraŭ pa vulicy Karła Makrsa. Praź niekatory čas aktyvistak pieravieźli ŭ Leninski RUUS. U dziaŭčat pravieryli dakumienty i praviali asabisty dahlad rečaŭ. Vyklikali u adździeł milicyi ich baćkoŭ dla razboru.
A 12-j hadzinie nočy zatrymanych adpuścili razam z baćkami. Byŭ składzieny tak zvany "rapart zatrymańnia".