Palitviazień Aleś Małčanaŭ ženicca. Na hadavinu Płoščy, 19 śniežnia
Ironija losu što takuju datu jamu prapanavali ŭ ZAHSie.
«Rośpis pryznačyli na 19 śniežnia, — paviedamiŭ Aleś. — Tolki praz paŭhadziny ja ŭciamiŭ anałohiju z padziejami trochhadovaj daŭniny».
25-hadovamu Małčanavu na momant Płoščy było 22. Mienavita jon «vyklikaŭ» šmatlikija pieratrusy ŭ biełaruskich ŚMI, u tym liku i «Našaj Nivie» tady. Reč u tym, što chłopiec u časie šeścia paviesiŭ nacyjanalny ściah na hałoŭnym budynku KDB na praśpiekcie Niezaležnaści ŭviečary 19 śniežnia 2010. Śpiedčyja sprabavali kanfiskavać u Redakcyjach kadry hetaha momantu, bo šmatlikija apieratary śpiecsłužbaŭ jaho prapuścili.
Tolki praz try tydni junaka identyfikavali.
6 studzienia 2011 jon byŭ zatrymany na kvatery ŭ Barysavie i nieŭzabavie atrymaŭ 3 hady turmy za ŭdzieł u «masavych biesparadkach». Byŭ pamiłavany i vyjšaŭ na svabodu ŭ vieraśni 2011.