24-hadovy siaržant milicyi skončyŭ žyćcio samahubstvam u Klimavičach
U Klimavičach u svaim domie byŭ znojdzieny paviešanym siaržant milicyi 1989 hoda naradžeńnia.
U adździaleńni infarmacyi i hramadskich suviaziaŭ UUS Mahiloŭskaha abłvykankama paćvierdzili fakt suicydu, zaznačyŭšy, što zdareńnie mieła miesca ŭ subotu, 5 kastryčnika. Tam taksama paviedamili, što pravierku pravodzić Śledčy kamitet.
«Pravierku pa hetym fakcie pravodzić Klimavicki rajonny adździeł Śledčaha kamiteta i hałoŭnaje ŭpraŭleńnie ŭłasnaj biaśpieki MUS», — skazała aficyjny pradstaŭnik upraŭleńnia SK pa Mahiloŭskaj vobłaści Aksana Salaniuk. Pavodle jaje słoŭ, infarmacyja pra suicyd pastupiła ŭ miascovy RAUS pryblizna ŭ 16.00 5 kastryčnika ad svajakoŭ milicyjaniera, jakija znajšli jaho paviešanym. Siaržant znachodziŭsia ŭ asnoŭnym adpačynku.
Jak paviedamiŭ adzin z žycharoŭ Klimavič, chutčej za ŭsio, pryčynaj samazabojstva siaržanta milicyi byli prablemy na bytavoj hlebie.