Akcyja Arche «Dzieviać viakoŭ biełaruskaj historyi» — zaŭtra apošni dzień
U ramkach čarhovaj akcyi «ARCHE» prapanujecca nabyć pa źnižanych cenach šerah vydańniaŭ na histaryčnuju tematyku.
U skład kamplekta ŭvachodziać:
Kniha Alesia Biełaha «Chronika Biełaj Rusi» — istotna pierapracavanaje i dapoŭnienaje pieravydańnie manahrafii hetaha ž aŭtara, vydadzienaj u 2000 h. i pryśviečanaj historyi ŭźniknieńnia charonima «Biełaja Ruś» dy jaho pastupovaha dastasavańnia da terytoryi siońniašniaj Respubliki Biełaruś. U 2001 h. pieršaje vydańnie knihi było ŭhanaravana zasnavanaj Biełaruskim PEN-centram premijaj imia Franciška Bahuševiča.
U knizie na padstavie analizu vialikaj kolkaści tekstavych i kartahrafičnych krynic prasočvajecca evalucyja paniaćcia «Biełaja Ruś» ŭ sistemach hieahrafičnych viedaŭ roznych epoch i narodaŭ Jeŭropy. Akramia taho, u novaje vydańnie ŭklučanyja artykuły i narysy aŭtara pa historyi kartahrafavańnia terytoryi Biełarusi i jaje adlustravańnia ŭ zachodniejeŭrapiejskaj ikanahrafii. Hetyja materyjały dapaŭniajuć asnoŭnuju častku knihi, stvarajučy maštabnuju karcinu evalucyi vobraza krainy ŭ CHII—ChVIII, razhledžanaj skroź pryzmu imahałohii — novaj sintetyčnaj histaryčnaj dyscypliny.
Kniha bahata ilustravanaja, u tym liku i šmatlikimi (usiaho kala 50 štuk) kalarovymi ilustracymi.
Padrabiaźniej pra akcyju čytajcie tut.