Pieršaja karcina Vańkoviča viarnułasia ŭ Biełaruś
Pieršaja karcina biełaruskaha žyvapisca Valencija Vańkoviča viarnułasia ŭ Biełaruś. AAT «Biełhazprambank» nabyŭ u pryvatnaha rasijskaha kalekcyjaniera «Partret paeta Tamaša Zana».
Rabota stała adzinaj karcinaj mastaka, jakaja ciapier viarnułasia na histaryčnuju radzimu, paviedamiŭ kiraŭnik hrupy infarmacyi i suviaziej z hramadskaściu ŭpraŭleńnia infarmacyjnaj palityki AAT «Biełhazprambank» Juryj Karpicki.
Ekśpierty Dziaržaŭnaha Ruskaha muzieja, jakija daśledavali karcinu na pradmiet jaje sapraŭdnaści i prynaležnaści pendźlu Vańkoviča, adznačyli vialikuju mastackuju i histaryčnuju kaštoŭnaść partreta.
Jak adznačyŭ Juryj Karpicki, źjaŭleńnie hetaj raboty ŭ bankaŭskaj kalekcyi maje asablivaje značeńnie jašče i tamu, što z mnostva stvoranych mastakom tvoraŭ tolki nievialikaja ich častka zachavałasia ŭ muziejach i pryvatnych zborach Vialikabrytanii, Francyi, Italii, Polščy, Litvy, Rasii. Ciapier i ŭ Biełarusi možna ŭbačyć aryhinał raboty mastaka. Da hetaha času ŭ krainie nie było nivodnaj sapraŭdnaj karciny majstra, tamu što mnohaje było vyvieziena ŭ inšyja krainy abo stračana. Cikava, što karcina źjaŭlajecca adzinym viadomym siońnia žyvapisnym partretam Tamaša Zana.
Novaje pastupleńnie ŭ karparatyŭnuju kalekcyju banka prezientujuć šyrokaj aŭdytoryi ŭ čas vystavy «Dziesiać stahodździaŭ mastactva Biełarusi». Ekspazicyja adkryjecca ŭ Minsku ŭ sakaviku 2014 hoda.
Valancin Vańkovič (1800—1842) - adzin z samych viadomych biełaruskich mastakoŭ XIX st.