Druhaja MKAD budzie daŭžynioj 157 km, dapuščalnaja chutkaść na joj budzie 120 km/h
Ź finansavańniem budaŭnictva Druhoj MKAD jość składanaści. Pra heta siońnia na pres -kanfierencyi, prymierkavanaj da Dnia aŭtamabilista i darožnika, paviedamiŭ načalnik hałoŭnaha ŭpraŭleńnia aŭtamabilnych daroh Ministerstva transpartu i kamunikacyj Biełarusi Jaŭhien Rakała.
Jak paviedamlałasia, budaŭnictva Druhoj abkružnoj darohi vakoł Minska płanujecca zaviaršyć da 2017 hoda. Da 2014 hoda mierkavałasia ŭźvieści trasu na ŭčastku ad M-3 da M-6 praciahłaściu 44 km.
Ahulnaja daŭžynia novaj MKAD składzie 157 km. Budzie arhanizavany čatyrochpałosny ruch (pa 2 pałasy ŭ kožnym napramku) z aśviatleńniem na ŭsioj praciahłaści darohi. Jeździć pa trasie budzie možna z chutkaściu 120 km/h.
Isnujučaja MKAD u sutki prapuskaje da 110 tys. aŭtamabilaŭ. Druhaja MKAD budzie mieć prapusknuju zdolnaść nižejšuju, bo zaklikanaja vykonvać tranzitnuju funkcyju.