Matč 13-hadovych chakieistaŭ u Homieli skončyŭsia masavaj bojkaj — videa
U ramkach Pieršynstva Biełarusi siarod junakoŭ 2000 h.n. kamanda SDIUŠAR-5 Homiela sustrakałasia na svaim lodzie z chłopcami z Mahilova.
Bojka adbyłasia ŭ apošnim pieryjadzie, — raspavioŭ tut.by druhi trenier homielskaj kamandy Vasil Bieły. — Pačałosia pamiž dvuma spartoŭcami z hulniavych momantaŭ: adzin začapiŭ druhoha, nie sastupili i zaviazałasia bojka.
Spačatku adzin na adzin, potym z łaŭki mahiloŭcaŭ chłopcy vybiehli na lod … Našy, viadoma, nie mahli na heta prosta hladzieć.
U vyniku ŭ rukapašnaj syšlisia pa piać chakieistaŭ z abodvuch bakoŭ. Sutyčka praciahvałasia kala chviliny — stolki ž doŭžycca videarolik.
Razbaraniać junych spartoŭcaŭ kinulisia sudździ i treniery abiedźviuch kamand. Abyšłosia, na ščaście, bieź cialesnych paškodžańniaŭ.
Hulnia skončyłasia ź likam 6:1 na karyść Homiela.
U adpaviednaści z chakiejnymi praviłami, na udzielnikaŭ «ladovaha paboišča» buduć nakładzienyja štrafy.
Pa słovach Vasila Biełaha, nijakich pretenzij adzin da adnaho baki nie majuć: «Usio narmalna, usio razabralisia, usie zdarovyja, usio dobra. Padobnaje čas ad času zdarajecca. Heta chakiej».