Biełaruś pahasiła jašče bolš jak $84 młn doŭhu pa kredycie MVF
Biełaruś ažyćciaviła čarhovaje ŭ 2013 hodzie pahašeńnie asnoŭnaha doŭhu pa kredycie Mižnarodnaha valutnaha fondu.
«23 kastryčnika Respublika Biełaruś u metach vykanańnia svaich abaviazacielstvaŭ pa stend-baj MVF ažyćciaviła čarhovaje pahašeńnie asnoŭnaha doŭhu ŭ pamiery 54,7 młn. SDR (ekvivalentna 84,4 młn. dołaraŭ ZŠA)», — havorycca ŭ paviedamleńni Ministerstva finansaŭ.
Pavodle danych Minfina, u studzieni—lipieni ŭ miežach vykanańnia abaviazacielstvaŭ pierad MVF pa kredycie stend-baj było vypłačana 956,4 młn. dołaraŭ.
Jak vynikaje z hrafika płaciažoŭ, apublikavanaha na aficyjnym sajcie MVF, najbolšyja vypłaty ŭ 2013 hodzie prychodziacca na krasavik, červień i kastryčnik — u hetyja miesiacy Biełaruś pavinna vypłacić pa 175 młn. SDR (prykładna 270 młn. dołaraŭ pa biahučym kursie).
U cełym u 2013 hodzie Biełaruś pavinna viarnuć MVF 1,63 młrd. dołaraŭ. Piać tranšaŭ kredytu ŭ miežach prahramy stend-baj na 3,46 młrd. dołaraŭ Biełaruś atrymała ad MVF u 2009—2010 hadach. Asnoŭny pik vypłat prychodzicca na 2013—2014 hady, kali Biełarusi pryjdziecca viarnuć bolšuju častku pazyki.
U suviazi z zaviaršeńniem prahramy stend-baj u krasaviku 2010 hoda MVF pačaŭ dadatkovyja kansultacyi ź Biełaruśsiu pa acency mier ekanamičnaj palityki i vypracoŭcy prapanoŭ pa pavyšeńni efiektyŭnaści ekanomiki krainy.
Z 2011 hoda pa sakavik 2013 hoda Biełaruś naviedali čatyry misii Mižnarodnaha valutnaha fondu dla praviadzieńnia postprahramnaha manitorynhu. Z 17 pa 28 kastryčnika ŭ Minsku znachodzicca misija supracoŭnikaŭ MVF, jakuju ŭznačalvaje Devid Chofman, dla praviadzieńnia piataha postprahramnaha manitorynhu biełaruskaj ekanomiki.
Płanam sumiesnych dziejańniaŭ urada i Nacbanka pa strukturnym refarmavańni i pavyšeńni kankurentazdolnaści ekanomiki Biełarusi, zaćvierdžanym 10 kastryčnika 2013 hoda, u kastryčniku—śniežni hetaha hoda praduhledžana praviadzieńnie kansultacyj z MVF ab mahčymaści finansavańnia ŭ miežach novaj prahramy ŭzajemadziejańnia.